Baibul lesen ta ta ese oi baine durumu dalana
Baibul teacher ta ese oi baine durumu: Ina pablikeisin e henimu Iehova ena Witnes ba noia oi baine durumu Baibul ba stadilaia, eiava Baibul stadi fom ta ba hahonua emai website ai, jw.org.
KAHA GINIGUNANA
Paragraf ta ta ba duahia murinai, ini danu ba duahi: (A) henanadai bona (B) Baibul siridia—paragraf ena poin badadia e hahedinaraimu siridia bunu. Bona Baibul siri haida badidia ai na ina hereva e torea, “Mani . . . aita duahia(dia).”
KAHA IHARUANA
(C) Poin Ma Haida kahana ai e tore herevadia ese lesen ena poin badadia e hahedinaraimu. (D) Hereva kwaradia na lesen ena poin badadia e herevalaimu. (E) Baibul siridia ba duahidia, henanadai ba haerelaidia, bona vidio ba itadia.
(F) Laulau idauidau ba herevalaidia, bona (G) Taunimanima Haida Na E Gwaumu kahana ai henanadai ba haerelaia dalana ba lalohadailaia.
KAHA IHATOINA
(H) Poin Badadia bona Riviu na lesen dokonai bo herevalaimu. Lesen o haorea dinana o date danu ba torea. (I) Plen kahana ai oi o uramu ba dibaia bena ba badinaia ḡauna ta ba torea. (J) Heduru Ḡaudia Ma Haida kahana ai vidio, atikol, eiava audio bo davarimu.
Baibul siridia ba davari dalana
Buka Helaḡa e torea dalana be ini bamona: (A) Baibul bukana, (B) karoa, bona (C) Baibul siri o siridia. Haheitalai be ina: Ioane 17:3 anina be Baibul bukana Ioane, karoa 17, siri 3.
