Kouma ou kapav servi bien sa brosir-la pou aprann plis lor Labib?
Etidie avek enn Temwin Zeova: Ou kapav demann enn letid Labib ar sa dimounn ki’nn donn ou sa brosir-la, ouswa lor nou sit, jw.org.
PREMIE PARTI
Lir sak paragraf, ek osi bann kestion ki an kouler (A) ek bann verse (B) ki montre bann pwin inportan. Ou pou remarke ki ena sertin verse kot inn ekrir “lir.”
DEZIEM PARTI
Fraz ki anba parti Anou Get Inpe Plis (C) explike seki nou pou al gete. Bann soutit (D) montre bann pwin inportan. Lir bann verse, reponn bann kestion, ek get bann video (E).
Get osi bann zimaz ek bann deskripsion zimaz (F), ek apre sa, reflesi kouma ou ti pou reponn seki Sertin Dimounn Dir (G).
TRWAZIEM PARTI
Seki Nou’nn Aprann ek Eski Ou Rapel? (H) fer enn rezime leson-la. Ekrir dat ki ou’nn fini sa leson-la. Dan lankadre Mo Lobzektif (I) ou pou trouv enn lobzektif lor ki ou kapav travay. Dan parti Dekouver (J) ou pou gagn bann lezot referans ki ou kapav lir ouswa gete.
Kouma ou kapav rod bann verse dan Labib?
Kan fer referans ar enn verse, li montre ou liv Labib-la (A), so sapit (B), ek verse ouswa bann verse la (C). Par exanp, Zan 17:3 fer referans ar liv Zan, sapit 17, verse 3.
Ena Osi
KESTION KI POZE SOUVAN
Ki sa Inplike Etidie Labib Avek Bann Temwin Zeova?
Bann Temwin Zeova ofer bann letid Labib gratis, ek ou kapav servi ninport ki version Labib ki ou anvi. Santi ou lib pou invit bann manb ou fami ouswa bann kamarad ki ou anvi.
