লাইরিক মচা অসিদগী নহাক্না করম্না মপুংফানা কান্নবা ফংবা য়াগদগে
যেহোবাগী সাক্ষী অমগা লোয়ননা নৈনবীয়ু: নহাক্না বাইবল নৈননবগীদমক লাইরিক মচা অসিবু পীরম্লিবা মীওই অদুদা হায়বীয়ু নত্রগা ঐখোয়গী ৱেবসাইট jw.org দা ফোর্ম মেনবীয়ু।
অহানবা শরুক
পেরাগ্রাফ খুদিংমক পাবীয়ু, মসিদা ময়েক লানা ইবা ৱাহংশিং (১) অমসুং মরুওইবা ৱাফমশিং খঙহনবা বাইবলগী ৱাহৈপরেংশিং (২) য়াওরি। বাইবলগী ৱাহৈপরেং খরদি “পাবীয়ু” হায়না ইরি।
অনীশুবা শরুক
হেন্না খঙবীয়ু হায়বা শরুক অসিদা য়াওরিবা অহৌবগী ৱারোল (৩) অসিনা মখাতানা তম্লক্কদবশিংদু খঙহল্লি। সবহেদিংশিংনা (৪) নৈনরক্কদবা ৱাফমশিংদু তাকই। বাইবলগী ৱাহৈপরেংশিং পাবীয়ু, ৱাহংশিংগী পাউখুম পীবীয়ু অমসুং ভিদিওশিং (৫) য়েংবীয়ু।
লাইশিং অদু য়েংবীয়ু অমসুং মদুগী মখাদা ইরিবা ৱারোলশিং (৬) অদুসু খন্নবিয়ু। মীশিংনা হায়নৈ (৭) হায়রিবা শরুক অসিদা য়াওরিবা ৱাফম অসিগী মতাংদা নহাক্না করম্না পাউখুম পীগনি হায়বদু খন্থবীয়ু।
অরোয়বা শরুক
তমখিবশিংগী শম্লপ্পা অমসুং নহাক্না করম্না পাউখুম পীগনি (৮) হায়বা শরুক অসিনা পন্দুপ অমগী অরোয়বা শরুক্নি। পন্দুপ অমা নৈনবা লোইবগী নুমিৎ অদু ইশিনবীয়ু। পান্দম (৯) গী শরুক্তা য়াওরিবসি ঙম্নবা হোৎনবীয়ু। অদোম্না পাম্বিরবদি হেন্না কুপথনা থিজিনবীয়ু (১০) হায়রিবা শরুক অসিদা য়াওরিবশিংসি পাবীয়ু নত্রগা য়েংবীয়ু।
বাইবলগী ৱাহৈপরেংশিং করম্না থিগনি
অহানবদা বাইবলগী লাইরিক মমিং (১), মথংদা পন্দুপ (২), অমসুং ৱাহৈপরেং নত্রগা ৱাহৈপরেংশিং (৩) পী। খুদম ওইনা, যোহান ১৭:৩ না খঙহন্নীংলিবসি বাইবলগী লাইরিক যোহানগী ১৭ শুবা পন্দুপকী ৱাহৈপরেং ৩ শুবনি।
