Vino ungacita pa kuti ka-a akalibuku kakwavwe
Sambilila na wumwi: Talika ukusambilila Baibolo na wino wakupile ka-a akabuku nanti tumila pe yo-o webusayiti yitu iya jw.org/mwn pa kulenga ukuti wakutumile uwakukusambilizya Baibolo
ULUWALI LWA KUTALICILA
Wazya amaparagrafu yonsinye na mawuzyo yano yali mu vilembo ivitifi nkani (A) na mawaliko (B) yano yakulanda pa visinka vikulu. Kuli na mawaliko yamwi yano watili “wazya.”
ULWA CITI WILI
Ya-a amazwi yano yali pa (C) pa ciputulwa ca kuti Sambilila Ivicile Pa-a yakulanda pe vino wandi usambilile. Utumitwe ututici (D) tukulanda pa visinka vikulu. Uwawazya amawaliko nu kwasuka amawuzyo swinya uwatamba na mavidyo (E).
Uwalolecesya nkaninye ivikope nu kuwazya amazwi yano tulipo (F), swinya uwakwelenganya na pe vino ungasuka vino Wamwi Wakalanda (G).
ULWA KULECELEZYA
Isambililo likulecelezya (H) ni Visinka Vikulu nu Kupitulukamo. Lemba uwanda wuno mwamalilapo ukusambilila. Pa kamutwe kakuti Yelezya Ukucita Wo-o (I) wakuwicizilepo vimwi vino uzipizile ukutwalilila ukusambilila nanti ukucita pakuwomvya vino wasambilila. Pa mutwe wakuti Manyilapo na Vinji (J) wandi uwazana ivyewo na vinji vino ungakunda ukuwazya nanti ukutamba.
Ivyakuzana amaversi mwe Baibolo
Pa kulemba Amawaliko wakutalicila ni buku lya mu Baibolo (A), icipandwa (B), awalecelezya ne versi nanti amaversi (C). Ku cakulolelako, nga wazana walemvile ukuti Yohani 17:3 lyo wakusula ukuti ibuku lya kwe Yohani, icipandwa 17, versi 3.
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
