Mwamungapindulile ngako na maphunzilo a m’Baibolo amene aŵa
Phunzilani na okuphunzisani: Sengani phunzilo ya Baibolo ku munthu wakupasani kabulosha aka olo tumijani fomu yosenga phunzilo ya Baibolo kupitila pa webisaiti yasu ya, jw.org.
MBALI YOYAMBA
Ŵelengani palagilafu iliyonse, kupamikijapo makonsho alilembe na ma bii a olenji (A) na malemba (B) amene owonesha mfundo zikulu-zikulu. Muwone kuti malemba ayakine alilembe kuti “ŵelengani.”
MBALI YAPAKATI
Mawu oyamba (C) pansi pa mbali yakuti Vati tiphunzile ofotokoza vinthu vokonkhapo. Mitu itontho-itontho (D) fotokozani vamukuti mukambilane. Ŵelengani malemba, yankhani makonsho, komasoti lolelani mavidiyo (E).
Kambilanani vithunzi-thunzi mosamala ngako (F), ndipo ganizilani mwamungayankhile mukafwika pa mbali yakuti Wanthu ayakine onena kuti (G).
MBALI YOSILIJILA
Mfundo zachidule na Makonsho oweleja (H) vili kosilijila kwa phunzilo. Lembani deti yamwasilija phunzilo. Cholinga (I) pa mbali yamene iyi mupasiwa ntchito yamufunikila kuchita. Phunzilani vinyinji (J) ponkhala malangizo olo mfundo zufunikila kuti muŵelenge olo kulolela.
Mwamungafwanile mavesi a m’Baibolo
Malemba oyamba na zina ya buku ya m’Baibolo (A), chapitala (B), pavuli pake vesi olo mavesi (C). Mwachisanzo, Yohane 17:3, niye kuti onena za buku ya Yohane, chapitala 17, vesi 3.
