O ka dira eng gore o kwešiše poroutšha ye?
Kgopela Hlatse ya Jehofa gore e go thuše: Kgopela motho yo a go filego poroutšha ye gore a go rute Beibele, goba o tlatše fomo ya go kgopela go ithuta Beibele wepesaeteng ya rena ya jw.org/nso.
KAROLO YA PELE
Bala serapa se sengwe le se sengwe, go akaretša le dipotšišo tšeo di ngwadilwego ka mongwalo o mokoto (A) le mangwalo (B) ao a gatelelago dintlha tše bohlokwa. Mangwalo ao a ngwadilwego gore “bala” a swanetše go balelwa godimo nakong ya thuto ya Beibele.
KAROLO YA BOBEDI
Mantšu ao a lego (C) ka tlase ga karolo e rego, Ithute ka mo go Tseneletšego, a hlalosa seo le tlago go ithuta sona. Dihlogwana (D) di akaretša dintlha tše bohlokwa. Bala mangwalo, araba dipotšišo, gomme o bogele le dibidio (E).
Lebeledišiša diswantšho le mantšu ao a lego kgauswi le tšona (F), gomme o nagane gore o ka reng ge batho ba bolela mantšu ao a lego ka tlase ga karolo yeo e rego, Batho ba Bangwe ba re (G).
KAROLO YA MAFELELO
Thuto e nngwe le e nngwe e phetha ka karolo e rego, O Ithutile Eng? le Dipotšišo (H). Ngwala letšatši leo le feditšego go ithuta ka lona. Ka tlase ga karolo e rego, Seo o ka se dirago (I) o fiwa mošongwana woo o swanetšego go o dira gore o tšwele pele o ithuta. Ka tlase ga karolo e rego, Ithute ka mo go Oketšegilego (J), o tlo hwetša ditaba tšeo di oketšegilego tšeo o ka nyakago go di bala, goba dibidio tšeo o ka di bogelago.
Kamoo o ka hwetšago ditemana tša Beibele
Mangwalo a beakantšwe ka tsela ye: puku ya Beibele (A), kgaolo (B), le temana goba ditemana (C). Ka mohlala, Johane 17:3 e ra gore puku ya Johane, kgaolo 17, temana 3.
You May Also Like
DIPOTŠIŠO TŠEO DI BOTŠIŠWAGO KUDU
Thuto ya Beibele ke Eng?
Hwetša dikarabo tša dipotšišo tša mabapi le thuto ya rena ya mahala ya Beibele.
