Oku orikubaasa kugasirwa gye omu mashomo ga Baibuli aga
Tunga oraakwegyese: Shaba omuntu owaakuhaire akatabo aka kukwegyesa Baibuli, nari yohereza okushaba kwawe aha mukura gwaitu, jw.org/nyn.
EBIRIKUBANZA
Shoma buri kacweka, otwariiremu ebibuuzo ebiri omu nyuguta ezikwatsire (A) n’ebyahandiikirwe (B) ebirikuhamiiriza enshonga enkuru. Yetegyereze ngu ebyahandiikirwe ebimwe biriho ekigambo “shoma.”
EBY’AHA GATI
Enshonga y’okubanza (C) ahansi y’omutwe Shwijuma Gye neeshoboorora ebirikukurataho. Emitwe emikye (D) neeyoreka eby’okugaaniiraho. Shoma ebyahandiikirwe, garukamu ebibuuzo, reeba na vidiyo zoona (E).
Shwijuma ebishushani n’ebigambo ebirikubishoboorora (F), kandi teekateeka oku oraagarukyemu enshonga, Abamwe Nibagira Ngu (G).
EBY’AHA MUHERU
Omu Bugufu n’Okweijutsya (H) ebi n’ebirikuhendera eishomo. Handiika ebiro obu eishomo ryahendera. Ekigyendererwa (I) n’eki orikuba oine kukoraho. Jumbura Ebindi (J) n’ebi orikubaasa kucwamu kushoma nari kureeba.
Oku orikubaasa kusherura Ebyahandiikirwe
Ebyahandiikirwe nibitandika n’ekitabo kya Baibuli (A), eshuura (B), n’omushororongo nari emishororongo (C). Nk’eky’okureeberaho, Yohaana 17:3 nikimanyisa ekitabo kya Yohaana, eshuura 17, omushororongo gwa 3.