Isi mubaghile ukubomba ukuti musayiwe nifimanyilo fya mu Baibolo ifi
Munsume yumo ukuti abatule: Musume ukuti mwande ukumanyila Ibaibolo nu mundu uyu abapele ibulosha pamo musume ukumanyila Ibaibolo ukwendela pa webusayiti yitu jw.org.
IKIGHABA IKYAKWANDA
Mubelenge ipalagilafu yiliyosa, ukongelelapo na malalusyo agha ghabikiwe (A) na malemba (B) agha ghikuyoba ifundo inywamu. Mumanye ukuti amalemba ghamo ghabikiwe ukuti “belenga.”
IKIGHABA IKYAPAKATI
Ifundo yakwanda (C) pasi pa kamutu akakuti Manyila Nyingi pikulingania ifundo iyakukongapo. Utumitu utunandi (D) tukulingania isi tukuya pakuyobesania. Mubelengeghe amalemba, mwamuleghe amalalusyo kangi muketeleleghe amavidiyo (E).
Muketeghe ifithuzi na ifi fikusanusya (F) kangi mwinong’oneleghe isi mukuya pakuyoba pakighaba ikyakuti Abandu Bamo Bikuyoba Ukuti (G).
IKIGHABA IKYABUMALILO
Ifundo Inywamu nu Kughomokelamo (H) mumalisye ikimanyilo mwa kuyoba ifundo inywamu nu kughomokelamo. Mulembeghe ideti apa mumalile ukumanyila. Pasi pa kamutu akakuti Ifyakuti Mubombe (I) kakuya pakubatula ukuti mukindilileghe ukumanyila pamo ukubombelapo imbombo pa isi mumanyile. Pasi pa kamutu akakuti Keta Kangi Ifingi (J) mukuya pakuyagha ifundo yakongelelapo iyi yikuya pakubapangisya ukuti mubelenge pamo ukuketelela ividiyo
Muno mubaghile ukughaghila amavesi
Amalemba ghabikiwe ukufwana ni buku lya mu Baibolo (A), ichaputala (B), kangi ivesi pamo amavesi (C). Mwakifwanikisyo, Yohani 17:3 kokuti ibuku lya Yohani, chaputala 17, vesi 3.
Lumo Mubaghile Ukulonda Ukumanya Isya Nkhani iyi
ISI ABANDU BIGHANILE UKULALUSYA
Ngimba Ukumanyila Ibaibolo na Baketi ba Yehova Kukubombiwa Bulebule?
Bo mukumanyila na Baketi ba Yehova kisita kulipila, mubaghile ukubombela Ibaibolo lililyosa. Mubaghile ukubakolela aba mumbumba yinu bosa pamo um’manyani winu aliwesa uyu mukulonda.
