Аци брошюрӕй куд архайгӕ ’й?
Гъӕуй дӕ ахургӕнӕг. Аци брошюрӕ дин ка равардта, уомӕн зӕгъӕ, цӕмӕй дӕ хӕццӕ Библи ахур кӕнун райдайа. Кенӕ, цӕмӕй дӕ хӕццӕ еске Библи ахур кӕнун райдайа, уой туххӕй курдиадӕ бадӕттӕ нӕ сайтмӕ jw.org.
ФИЦЦАГ ХАЙ
Бакӕсӕ алли абзац дӕр, удта ставд дамугъатӕй финст ка ӕй, еци фарстатӕ (1) ӕма, сӕйраг гъуди ка ӕргом кӕнуй, еци стихтӕ Библийӕй (2). Дӕ гъос ӕрдарӕ, кӕцидӕр стихти размӕ си «Бакӕсӕ» финст ке фӕууй.
ДУККАГ ХАЙ
«Фулдӕр базонӕ» (3) рубрики ци гъудитӕ ес, уомӕй базондзӕнӕ, идарддӕр дзурд цӕбӕл цӕудзӕй, уой. Дӕлсӕргӕндтӕ (4) ӕвдесунцӕ, цӕбӕл дзордзиайтӕ, уой. Ци стихтӕ си ес, уони бакӕсӕ, фарстатӕбӕл дзуапп раттӕ, удта видеороликтӕмӕ дӕр бакӕсӕ (5).
Хузтӕмӕ ӕркӕсӕ ӕма сӕмӕ ци финст ес, уой дӕр бакӕсӕ (6). Расагъӕс кӕнӕ, рамки «Кадӕртӕ фӕззӕгъунцӕ» (7) ци фарста ес, уобӕл цӕхуӕн дзуапп ратдзӕнӕ.
ӔРТИККАГ ХАЙ
Рубрикитӕ «Ци базудтай» ӕма «Дӕ зӕрдӕбӕл ӕрлӕуун кӕнӕ» (8) дин банхус кӕндзӕнцӕ ӕрмӕг дзӕбӕх нигъгъуди кӕнун. Урок кӕд рацудайтӕ, уой фӕббӕрӕг кӕнӕ. Рамкӕ «Дӕ нисан» (9) дин банхус кӕндзӕй, ци базудтай, уомӕй дӕ царди испайда кӕнун. Рамки «Фулдӕр ӕрмӕг» (10) дӕ бон ӕй иссерун теми хӕццӕ баст статьятӕ ӕма видеороликтӕ.
Библий стихтӕ куд агоргӕ ’нцӕ
Фиццаг финст фӕууй Библий киунуги ном (1), удта сӕр (2), уой фӕсте ба стих кенӕ стихтӕ (3). Зӕгъӕн, Иоанни 17:3 ӕй Иоанни киунугӕ, 17-аг сӕр, 3-аг стих.
Ка ’й зонуй ма дӕ зӕрдӕмӕ фӕццӕуа
АРӔХДӔР КЕ ФӔДДӔТТУНЦӔ, ЕЦИ ФАРСТАТӔ
Библи ахур кӕнунмӕ ци хауй?
Библи ахур кӕнуни туххӕй дӕмӕ ци фарстатӕ ес, уонӕбӕл дзуапп базонӕ.
