ایس کتاب نُوں استمال کرن دا طریقہ
کسے کولوں مدد لوو: تُسی ایہہ کتاب جیس بندے کولوں لئی اے، اوہنوں کہوو کہ اوہ توانوں بائبل کورس کرائے یاں فیر ساڈی ویبسائٹ دے ذریعے بائبل کورس لئی درخاست گھلو۔
سبق دا پہلا حصہ
(1) ہر پیراگراف تے موٹے لفظاں چ لکھے ہوئے سوالاں نُوں پڑھو۔ (2) اوہناں ایتاں نُوں پڑھو جیہڑیاں خاص گلاں تے دھیان دَوان لئی دِتیاں گئیاں نیں۔ کجھ ایتاں نال تے لکھیا وی ہویا اے کہ ایہناں نُوں پڑھو۔
سبق دا دُوجا حصہ
(3) ”ہور سوچوچار لئی“ والے حصے چ دِتے گئے جملیاں توں پتہ چلے گا کہ ہُن سبق چ اَگے کیہہ کجھ دَسیا جائے گا۔ ایس حصے دے (4) خاص خاص نکتیاں نُوں موٹے لفظاں چ لکھیا گیا اے۔ (5) ایتاں نُوں پڑھو، سوالاں دے جواب دَوو تے ویڈیوز نُوں ویکھو۔
(6) تصویراں تے ایہناں نال دِتیاں گئیاں عبارتاں تے غور کرو۔ (7) ایہہ سوچو کہ تُسی ”کجھ لوکاں دی رائے“ والے حصے چ دِتے گئے سوالاں دا جواب کیویں دَوو گے۔
سبق دا تیجا حصہ
(8) ”خلاصہ“ تے ”دہرائی“چ سبق دِیاں خاص خاص گلاں تے دھیان دَوایا گیا اے۔ جیس تریخ تے سبق مکمل ہویا اے، اوہنوں ضرور لکھو۔ (9) ”ہُن ایہہ کرو“ والے حصے چ توانوں کسے نہ کسے مشورے اُتے عمل کرن لئی آکھیا جائے گا۔ (10) ”ہور جانن لئی“ والے حصے چ توانوں کجھ ہور مضمون پڑھن لئی تے کجھ ویڈیوز ویکھن لئی کہیا جائے گا۔
بائبل دے حوالے کھولن دا طریقہ
بائبل دے حوالیاں چ پہلے (1) کتاب دا ناں فیر (2) باب دا نمبر تے فیر (3) ایت یاں ایتاں دے نمبر دِتے گئے نیں۔ مثال لئی یوحنا 17:3 دا مطلب اے: یوحنا دی اِنجیل، باب نمبر 17 تے ایت نمبر 3۔
ایہہ وی ویکھو
اوہ سوال جیہڑے لوک اکثر ساڈے بارے پچھدے نیں
یہوواہ دے گواہ بائبل کورس کیویں کراندے نیں؟
یہوواہ دے گواہواں نال بائبل کورس کردے ویلے تُسی جیہڑا وی بائبل ترجمہ چاہوو استمال کر سکدے او۔ نالے تُسی اپنے سارے گھر والیاں یاں اپنے دوستاں نُوں وی ایہدے چ شامل ہون لئی کہہ سکدے او۔
