Imaina ashca provechu sapa yachachinát sorckopuyta
Estúdiay cá folletu suj yachachejuan. Atinqui mañapuyta suj cursu Bibliamanta pít cá folletu ckosora o máñay sitiuycupi Internetmanta jw.org.
HUÁMAJ PARTE
Túcuy párrafus léey. Tapunas enumerasckas (A) y testus Bibliamanta ima yanitapi tían (B) ckaachincu yachachinas astaan importantes. Ckáay ima huaquin testus launninpi nin «léey».
HUÁMAJ HUASAN PARTE
Huámaj párrafu (C) seccionmanta «Astaan estudianáysh tían yacháypaj» niáysh ima chaymanta ʼrimácoj ʼrin. Subtítulos enumerasckas (D) ckaachincu yachachinas astaan importantes. Testus Bibliamanta léey, contéstay túcuy tapunas y vidiusta ckáay (E).
Ckáay dibujos y túcuy ima chaypi nin (F), y pénsay imaina contestanquiman seccionpi «Huaquincuna nincu» (G).
QUIMSA CAJ PARTE
Yachachinas puchucancu cá seccionesuan «Biblíap yachachinasnin» y «Yuyáypaj» (H). Puchucaptiyqui yachachinát estudiayta fecha churanayqui tían. Seccionpi «Imát ʼrúaj ʼrinqui» (I) chásquej ʼrinqui conseju imaina cá cursupi progresayta. Seccionpi «Astaan yáchay» (J) tárej ʼrinqui sujcuna artículos y vidius ckaanayquípaj.
Imaina tariyta suj testu Bibliapi
Tarinayquípaj testus, mascanayqui tían sutin librumanta (A), capítulo (B), y versículo o versículos (C). Suj ejemplu, Juan 17:3 niyta munan «libru Juanmanta, capítulo 17, versículo 3».
