Kaypi yachachikuykunata imaynatam sumaqta yachachwan
Bibliamanta yachaqwan yachaykachikuy. Bibliamanta yachaykachisunaykipaq niykuy hina kay qillqa qusuqnikita utaq internetpi jw.org nisqaman yaykuspayki pipas yachachisunaykipaq mañakuy.
QALLARIYPI
Qallariypi rikuriqta lliwta ñawinchaykuy (A). Chaymantapas bibliapi maskanapaq kaqkunata maskaykuy (B), chayqa yanapasunkim imamanta yachachisqanta allinta yachaykunaykipaq, wakinpiqa nichkanmi “Leeychik” nispa.
CHAWPI KAQPI
“Astawan yachaykusun” niqpa qallariyninpim niwachkanchik imakunamanta chay yachachikuypi yachanapaq (C). Qillu letrawan kaqkunam niwachkanchik imamanta rimananchikpaq (D). Leeychiktaq bibliapi maskanapaq kaqkunatapas hinaspa qatiqninpi tapukuykunamanta rimariychik, qawaykuychiktaq videokunatapas (E).
Dibujokunamantapas rimariychik hinaspa imapaq chay dibujo rikurisqanmanta nisqantapas leeykuychik (F), rimariychiktaq “Wakin runakunam ninku” niqmantapas (G).
TUKUYNINPI
Tukuyninpiñataqmi kachkan “Yuyariykusun” niq chaynataq “Ima niwaqtaq” niqpas (H). Kachkanmi ima punchawpi tukusqaykita qillqanaykipaqpas. Kachkantaqmi “Kaypaq kallpanchakuy” niqpas, chaypim nichkan imapi kallpanchakunaykipaq (I). “Astawan yachanaykipaq” niqpiñataqmi kachkan qampaq videokuna hinaspa huk qillqakunapas (J).
Imaynatam bibliapi maskana
Puntata maskay libropa sutinta (A), chaymantañataq hatun numeronta (B), hinaspañataq uchuy numerochanta (C). Kay dibujopi, Juan 17:3 nisqanta maskanaykipaqqa nichkanmi, “Juan librota maskanaykipaq 17 hatun numeronta uchuy numerochantañataq 3”.
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
