Pou bien profit bann leson la...
Étudié sa avèk in lansénian : Demann in létud la Bib le moun la donn aou ti liv la, oubien ranpli in demann su lintèrnèt su jw.org.
PREMIÉ PARTI
Lir chak paragraf. Bann késtion an kouleur (A) é bann vèrsé an gra (B) i mont bann zidé inportan. Devan detroi vèrsé, néna le ti mo « lir ».
DEUZIÈM PARTI
Dan le parti Alon aprann plus, bann premié lign (C) i fémont bann zidé ki sra étudié, é chak lintèrtit (D) i ésplik in lidé inportan. Lir bann vèrsé, réponn bann késtion é regard bann vidéo (E).
Koz osi su le bann zimaj é su le bann ti not ki va ansanm le bann zimaj (F). Apré ésèy réponn bann késtion dan le parti Nadfoi domoun i di (G).
TROIZIÈM PARTI
Bann parti Sak nou la aprann é Alon révizé (H) i rézum le leson. Mark kansa ou la fini le leson. Le parti Sak mi doi fé (I) i propoz aou sak ou doi fé. Le parti Gard sa osi (J) i ankouraj aou lir oubien gard le bann sujé ke néna an plus.
Koman trouv in vèrsé dan la Bib ?
In pasaj la Bib i komans par in liv la Bib (A), apré in chapit (B), é apré inn ou detroi vèrsé (C). Par égzanp, Jean 17:3 i ve dir le liv Jean, chapit 17, vèrsé 3.
