Сар те овел тут най-бари полза таро библейска урокя
Изучине декхаса таре Йеховаскере Свидетеля: Пхен е манушеске, ковато диняс тут кавка лил, кай мангес те изучинес и Библия или пишине, кай мангес библейско изучаване, ко сайти jw.org.
ПЪРВО ЧАСТ
Четине и цело страница, о въпрося (1) тай о стиховя (2), колато си пишиме по-кале буквенца, тай сикавен кола си о най-важна мислес. Англал десаве стиховиенде пишинел „четине“, ковато сикавел, кай требе те четинес лен.
ВТОРО ЧАСТ
О първа думес (3) ки част Роде по-хоресте сикавен со ка ахальовес тари второ част. О подзаглавия (4) сикавен кола си о най-важна букя таро уроки. Четине о стиховя, отговорине е въпросиенге тай дикх о клиповя (5).
Дикх внимателно о снимкес, о картинкес тай четине со пишинел телал ленде (6) тай мислине сар ка отговоринесас, ако декхой пхенел туке о букя таро блокчес Десаве мануша пхенен (7).
ПОСЛЕДНО ЧАСТ
Ко крайос пишинел Со сиклилям таро уроки тай иси въпрося, колато сикавен кола си О най-важна букя таро уроки (8). Пишине и дата, колате свършингян о уроки. Ко блокчес Со те керес (9) иси задача, която помагинел туке те керес со сиклилян таро уроки. Ко блокчес Ахальов по-бут (10) иси авер-да букя, колато ако мангес, ащи те четинес или те дикхес.
Сар те аракхес о стиховя анди Библия
Анди Библия иси бут цикне лила, коленде иси шере тай стиховя. Кана пишинел десаво стихи, първо пишинел о алав е лилескоро (А), и цифра палал лесте си о шеро (Б), а после си о стихи или о стиховя (В). Например, кана пишинел Йоан 17:3, кавка си о Евангелие таро Йоан, 17 шеро, 3 стихи.
