Ndi ipi njira yadidi toera kupfundza misolo ineyi ya m’Bhibhlya
Phembani munthu toera akuphedzeni: Phembani pfundziro ya Bhibhlya kuna munthu adakupasani bhruxura ino, peno phembani pfundziro mu saiti yathu, jw.org.
KHUNDU YAKUTOMA
Lerini ndima ibodzi na ibodzi, kuphatanizambo mibvundzo yakupswipirira, (A) pontho lerini malemba (B) akuti asagomezera ntsonga zikulu. Onani kuti malemba anango ali na cidzindikiro cakuti “lerini.”
KHUNDU YAPAKATI
Pantsi pa mafala akuti (C) “Dziwani Pizinji” munagumana cigwagwa ca pfundziro inatowera. Misolo ming’ono (D) inadzafokotoza ntsonga zizinji. Lerini malemba, tawirani mibvundzo, pontho onani mavidhyu (E).
Onani mafoto na mafala anafokotoza foto (F), pontho nyerezerani kuti imwe mbamudalonganji pa khundu yakuti “Anango Asalonga” (G).
KHUNDU YAKUMALISA
Nsolo ubodzi na ubodzi usamalisa na khundu yakuti “Mwapfundzanji?” na “Mibvundzo Yakubwereza” (H). Lembani ntsiku idamalisa imwe nsolo. Pa khundu yakuti “Cifuno Canga” (I) munadzaona maonero akuti mbamudakhala nawo. Pa khundu yakuti “Toera Kudziwa Pizinji” (J) munakwanisa kuleri peno kuona mphangwa zakuthimizirika.
Munakwanisa tani kugumana mavesi m’Bhibhlya
Malemba asapangizwa na bukhu ya Bhibhlya (A), kapitulu (B), na vesi peno mavesi (C). Mwacitsandzo, Juwau 17:3 isabveka bukhu ya Juwau, kapitulu 17, vesi 3.
