Kyɛbɔ ekonya Bible adesua ahoroɛ hemɔ aso mvasoɛ ɔ
Má ebie ne wɔ sua: Bisa Bible adesua nwo atẽe fi sona bɔ ɔfale brohyeɔ he mane wɔ ne berɛ, anaa hyehyɛ fɔɔm bɔ ɔwɔ yɛ wɛbsait jw.org.
BUE BƆ OLIMOA
Kenga ngyekyɛmuɛ biala ne nzɛmmisa bɔ bahworɔ ye biré paa te kyɛ (A) ɔne twerɔnzɛm ahoroɛ (B) bɔ osi adwene bɔ ɔwɔ nu naso dua ne. Hyɛ ye nzorɛ kyɛ, bahworɔ twerɔnzɛm biemɔ nwo kyɛ “kenga.”
BUE BƆ ƆTƆ SO NYƆ
Edwirɛ bɔ olimoa (D) bɔ ɔwɔ Sua Pẽe Boka So bo berɛ ne kyirekyire bɔ oli so nanu. Edwirɛti Mmaammaa (E) ne twẽ adwene sie edwirɛti deinn naso. Kenga twerɔnzɛm ne, ye nzɛmmisa ne noa, na nea vidio ahoroɛ ne (Ɛ).
Susu mvoni ahoroɛ, ɔne edwirɛ bɔ bahworɔ bagua yebo nanwo (F), ná dwene kyɛbɔ ɛkɔye Bɔ Mmenia Kã ne noa ɔ (G).
BUE BƆ ƆPƐ YEBO
Yemuabɔlɛ, ɔne Ndimu (H) ne yeɛ ɔbɔ adesua ne mua ɔ. Sɛ ɛmɔyie adesua ne a, tworɔ date bɔ ɛmɔfa beyiele ne. Botaeɛ (I) ne maa enwu bɔ odikyɛ edwu yenwo ɔ. Nea Ɛhe Koso (K) bue berɛ ne bukye yenwo atẽe maa ɛkora kenga anaa ɛnea vidio.
Kyɛbɔ Ekonwu Bible Ngyekyɛmuɛ Bie Ɔ
Sɛ enwu Twerɛnzɛm bie a, (A) gyi berɛ ma Bible nu nwomaa, (B) gyi berɛ ma ye ti, yeɛ ngyekyɛmuɛ ahoroɛ ne koso te (D). Kyɛ nneasoɛ ne, Yohane 17:3 ne twẽ adwene sie Yohane nwomaa ne, yeti 17, ngyekyɛmuɛ 3 naso.
