Jawekeskataxki mia kikinshamani axeti iki nato kirikaki
Nato kirika axewe westíora Jeobaki yoyo ikai betan. Jan mia nato kirika menia, yokáwe jan mia Biblia axeanon ixon, iamax jikiwe Internet-ain, jw.org ikain, já yokánox.
REKEN IKÁ
Jatíbi ja wishakaatabo yoyo awé. Jaráke jatíribi yokábo (A), jaskáribi wisoshoko Bibliainoa wisháyabo (B), jabaon mia oinmai min onanti jawékibo. Jatíribi Bibliainoa wisháshokobo patax iki “yoyo awé” iká.
RABÉ IKÁ
Ja wishá “Kikini axereswe” ikai naman (C), mia yoi kai jaweboki mia axei kai ixon. Ja panshin ani wishábaon (D) oinmai jaweboki min onanti jaa ixon. Bibliainoa wishábo yoyo awé, ja yokábo yoyo axon yoiwe jaweki min shinanai, jainxon ja videobo oinwe (E).
Ja dibujobo itan já naman iká wishá oinxon shinanwe (F). Japekao ja “Jatíribibaon yoiai” chité meran iká oinxon (G), shinanwe ikon iamax ikonmarin ixon.
KIMISHA IKÁ
Ja axeti keyótiainra jake ja chité “Natoki yoyo iká” itan “Mia axeabo” (H). Já naman wishawe jawe netenki min axekin keyoa ixon. Ja “En akasaibo” chitekan (I) mia akini kai onanti kopi jaweboribiki min ati atipana jakoni axenoxon. Ja chité “Járibi benawe” ikain (J) min merai kai wetsa video min ointi itan wetsa kirikabo min yoyo ati.
Jawekeskaaxonki Bibliainoa iká wishá non merati iki
Rekenpari yoiai ja kirikan jane (A), jawen capítulo (B), itan jawen versículo iamax versículobo (C). Jatian Juan 17:3 yoikasi riki kirika Juan, capítulo 17, versículo 3”.
