Le auala e maua ai aogā mai i nei lesona o le Tusi Paia
Saʻili se tasi e te lua suʻesuʻe: Talosaga mo se suʻesuʻega faale-Tusi Paia mai lē na e maua mai ai lenei polosiua, pe faatumu se talosaga i la matou upega tafaʻilagi o le jw.org.
VAEGA MUAMUA
Faitau palakalafa taʻitasi, e aofia ai fesili o loo faamatamata tetele (A) ma mau (E) o loo faamatilatila ai manatu autū. Mātau, o nisi mau e tatau ona “faitau.”
VAEGA OGATOTONU
O faamatalaga (I) o loo faatomua ai le vaega Saʻiliʻili Atili, e faailoa mai ai mataupu o le a talanoaina. O tamaʻi ulutala (O) e faailoa mai ai manatu autū. Faitau mau, tali fesili, ma matamata vitiō (U).
Talanoa i ata ma faamatalaga o ata (F), ma mafaufau i le auala e tali ai le fesili o loo i le vaega Ua Faapea Mai Nisi (G).
VAEGA FAAIʻU
E faaiʻu le lesona i le Aotelega ma Fesili Autalu (L). Faamau le aso na uma ai le lesona. O le vaega Sini (M) o loo taʻu mai ai mea e tatau ona e galue ai. E te maua i le vaega Manatu Faaopoopo (N) isi mataupu ma vitiō e mafai ona e faitau pe matamata ai.
Le auala e suʻe ai mau o le Tusi Paia
Ua faailoa mai i le mau le tusi o le Tusi Paia (A), o le mataupu (E), ma le fuaiupu po o fuaiupu (I). Mo se faataʻitaʻiga, o le Ioane 17:3 e faasino atu i le tusi a Ioane mataupu e 17, fuaiupu e 3.
E te Ono Fiafia Foʻi
FESILI E MASANI ONA LĀGĀ
O le ā le Talanoaga Faale-Tusi Paia o Loo Ofoina e Molimau a Ieova?
Ua ofo atu e Molimau a Ieova se suʻesuʻega faale-Tusi Paia e lē totogia, e mafai ona e faaaogāina ai so o se faaliliuga o le Tusi Paia. E mafai foʻi ona valaaulia lou aiga atoa po o au uō e auai ai.
