San kan yepi yu fu frustan den les disi?
Studeri nanga wan Yehovah Kotoigi: Aksi a sma di gi yu a brochure fu studeri nanga yu, noso aksi tapu a website fu wi, jw.org efu wan sma kan studeri Bijbel nanga yu.
A FOSI PISI
Leisi ibri paragraaf, leisi den aksi di skrifi nanga fatu letter (A) nanga ala den Bijbeltekst (B). Den Bijbeltekst e sori san na den moro prenspari penti. Na son Bijbeltekst yu o si a wortu „Leisi”. Disi wani taki dati yu nanga a sma di e studeri nanga yu musu leisi den Bijbeltekst disi makandra.
A DI FU TU PISI
Den sani di skrifi na ondrosei fu Sortu tra sani yu kan leri? (C) e sori san yu o leri na ini a pisi disi. Den prenspari penti skrifi nanga fatu letter (D). Leisi den Bijbeltekst, piki den aksi èn luku den felem (E).
Luku den fowtow nanga den sani di skrifi na den fowtow (F). Prakseri fa yu ben o piki den aksi na a pisi Son sma e taki (G).
A LASTI PISI
Den lasti pisi fu a les na San yu leri? nanga Fa yu ben o piki den aksi disi? (H) Skrifi a dei di yu klari a les. Na a pisi Yu kan du a sani disi (I) wan sani skrifi di yu kan du ibri wiki. A pisi Tra sani di yu kan luku (J) abi tra sani di yu kan luku noso leisi.
Fa yu kan feni den Bijbeltekst?
Te wan Bijbeltekst skrifi, yu o si a nen fu a Bijbel buku (A), a kapitel (B), nanga a vers (C). Fu eksempre, Yohanes 17:3 e sori go na a buku Yohanes, kapitel 17, vers 3.
