Cara makaěbạ gunane bọu pěngangěndungang Alkitapẹ̌ ini
Pẹ̌dorong tul᷊ung su taumata wal᷊inẹ: Pẹ̌dorong měngěndung Alkitapẹ̌ su tau něgělị brosur ini si kau, arau dohọe dorongu su situs web i kami, jw.org.
BAGEANG HUMOTONG
Basạe paragraf, kakiwal᷊o nicetak tebal (A) dingangu ayatẹ̌ (B) nělahẹ pokok utama. Pěmanda piram baụ ayatẹ̌ piạ tatiala ”basa”.
BAGEANG TAL᷊OARANE
Kalimat (C) su bageang Bangka Pakaral᷊ung nělahẹ apa sarung ěndungang tuhụe. Subjudul (D) nělahẹ pokok utamane. Basạe ayatẹ̌, simbahẹ̌ kakiwal᷊one, kụ pẹ̌biala videone (E).
Pěmanda pakapia gambarẹ̌ dingangu keterangan gambarẹ̌ (F), kụ pẹ̌tiněna kerea i kau sumimbahẹ̌ kakiwal᷊o su bageang Piạ u Naul᷊ị (G).
BAGEANG PĚNGĚNGSUENGE
Ringkasan dingangu Apa seng nikaěndungangu? (H) něnutu pěngangěndungang ini. Bohẹ tanggalẹ̌ mạeng ene seng nasueng ěndunge. Su bageang Kěnang pěkoạ ini (I), i kau botonge měkoạ sěmbaụ hal᷊ẹ̌. Su bageang Pěmanda lai (J) piạ informasi tambahan, kụ i kau botonge mẹ̌basa arau mẹ̌biala ene.
Carane makaěbạ ayatẹ̌
Arengu bukẹ̌ (A), pasalẹ̌ (B), dingangu ayatẹ̌ (C). Contone, Yohanes 17:3 ene mangal᷊ene bukẹ̌ Yohanes, pasalẹ̌ 17, ayatẹ̌ 3.
