Akore ty hahavy azo handrambe soa amy ty fianaragne Baiboly toy?
Mipaliava ndaty hampianatse azo: Rehafo i ndaty nagnomey azo ty bokekele toỳ mba hampianatse azo Baiboly, ndra fenò ty fangatahagne hianatse Baiboly amy jw.org ao.
FIZARÀGNE VOALOHA’E
Vakio tsikiraidraike i fehentsoratse rey, agnisa izay i fagnonteneagne maintey (A) naho ze andinin-teny (B) magnambake ze hevetse lahibey. Misy amy ty andinin-teny ila’e misy soratse tihoe “vakio.”
FIZARÀGNE AGNATE’E AO
Ty fehezanteny (D) ambane tihoe Andao Handineke ty Pitsopitso’e magnazava ty hevetse hiharoagne midineke. I lohan-drehake kedekede (E) rey ty mampizilike ze hevetse lahibey. Vakio i andinin-teny rey, le valeo i fagnonteneagne rey, sady henteo i video rey (F).
Dineho i sare rey (G), sady eretsereto ty hamalea’o i tihoey Misy ty Mirehake Fa (H).
FIZARÀGNE FARA’E
Mifaragne amy tihoe Famintignagne naho Fameregnagne (I) ty lesogne tsikiraidraike. Fenò i date ahavitagne i lesogneỳ. Manoro ty raha mbe toko’e hatao’o naho hampihare’o tihoe Anò toy (J). Misy fagnazavagne azo’o vakiegne ndra henteagne ty amy tihoe Fagnazavagne Fagnampe’e (K).
Akore ty fagnenteagne andinin-teny amy Baiboly ao?
Intoa ty trea amy ty andinin-teny tsikiraidraike: Ty agnara i bokey (A), le ty toko (B), vaho ty andine’e (D). Ty teagne horehafegne amy tihoe Jaona 17:3, ohatse, le manondro ty boke i Jaona, toko faha-17, andine’e faha-3.
Va'e ho Tea'o Ka
FAGNONTENEAGNE FAPETRA O NDATIO
Inogne ty Atao Tihoe Fianaragne Baiboly?
Afake mampiasa ze Baiboly tea’o rehe naho fa mianatse Baiboly amy ty Vavolombelo i Jehovah. Maimaimpoagne i fianaragney sady afake taone’o hiarake hianatse ama’o ka ty keleia’o ndra ty ragne’o.
