Founga ke ma‘u ‘aonga lahi taha ai mei he ngaahi lēsoni Fakatohitapu ko ení
Ako mo ha faiako: Kole ha ako Tohi Tapu mei he tokotaha na‘á ne ‘oatu ‘a e polosiua ko ení pe fakahū ha foomu kole ‘i he‘emau uepisaití, jw.org.
KONGA ‘ULUAKÍ
Lau ‘a e palakalafi taki taha, kau ai ‘a e ngaahi fehu‘i mata‘ā‘aá (A) mo e ngaahi konga Tohi Tapu (E) ‘oku fakamamafa‘i ai ‘a e ngaahi poini tefitó. Fakatokanga‘i ‘oku faka‘ilonga‘i ‘a e ngaahi konga Tohi Tapu ‘e ni‘ihi ke “lau.”
KONGA ‘I LOTÓ
Ko e fakamatala kamata (F) ‘i he Keli Loloto Ange ‘oku fakamatala‘i ai ‘a e ngaahi me‘a hokó. Ko e ngaahi kaveinga tokoní (H) ‘oku fakamamafa‘i ai ‘a e me‘a ‘e fai ai ‘a e lāuleá. Lau ‘a e ngaahi konga Tohi Tapú, tali ‘a e fehu‘í, pea sio ‘i he vitioó (I).
Lāulea ki he fakatātaá mo hono fakamatalá (K), pea fakakaukau ki he founga ke tali ai ‘a e ‘Oku Pehē ‘e he Ni‘ihi (L).
KONGA FAKA‘OSÍ
Ko e lēsoní ‘oku fakamulituku‘aki ‘a e Fakanounou mo e Fakamanatu (M). Fakahū ‘a e ‘ahó ‘i he hili ‘a e kakato ‘a e lēsoní. ‘Oku ‘omai ‘i he Me‘a ke Fai (N) ha me‘a ke ke ngāue ki ai. Ko e Ako Lahi Ange (NG) ‘oku ma‘u ai ‘a e ngaahi ma‘u‘anga fakamatala kehe ke ke lau pe sio ai.
Founga hono kumi ‘a e ngaahi veesi Tohi Tapú
Ko e ngaahi konga Tohi Tapú ‘oku fakahaa‘i ‘aki ‘a e tohi Tohi Tapú (A), ko e vahé (E), pea mo e vēsí pe ngaahi vēsí (F). Ko e fakatātaá, ko e Sione 17:3 ‘oku ‘uhingá ko e tohi ‘a Sione, vahe 17, veesi 3.
Te Ke Fie Vakai Foki ki Heni
NGAAHI FEHUʻI ʻOKU TOUTOU ʻEKE
Ko e Hā ʻa e Polokalama Ako Tohi Tapu ʻOku Fai ʻe he Kau Fakamoʻoni ʻa Sihová?
ʻI he polokalama ako fetalanoaʻaki taʻetotongi ʻa e Kau Fakamoʻoni ʻa Sihová, ʻe lava ke ke ngāueʻaki ai ha faʻahinga liliu Tohi Tapu pē. Ongoʻi tauʻatāina ke fakaafeʻi ʻa e kotoa ho fāmilí pe kaumeʻá ke kau fakataha mo koe.
