Vo mungachita kuti muvwisengi vo musambira mu Bayibolu mwakugwiriskiya ntchitu kabuku yaka
Pemphani munthu munyaki kuti wakusambizeningi: Kambiskanani ndi munthu yo wangukupaskani kabuku yaka, pamwenga pemphani kuziya pa webusayiti yidu ya jw.org/tog.
CHIGAŴA CHAKWAMBA
Ŵerengani ndimi yeyosi, kusazgapu mafumbu (A) ndipuso malemba (B) ngo patuliya fundu zikuluzikulu. Muwonengi kuti malemba nganyaki ngalembeka kuti “ŵerengani.”
CHIGAŴA CHAPAKATI
Mazu ngakwamba (C) pamutu wakuti Sambirani Vinandi ngalongo vo musambirengi. Timitu (D) tilongo fundu zikuluzikulu. Muyesesengi kuŵerenga malemba, kumuka mafumbu ndipuso kuwonere mavidiyo (E).
Muviwonesesengi vithuzi ndipuso mazu ngo ngakonkhoska vithuzi (F), muŵanaŵaniyengi so mo mungamukiya fumbu la pachigaŵa chakuti Ŵanthu Anyaki Akamba Kuti (G).
CHIGAŴA CHAKUMALIYA
Chigaŵa chakuti Kumbi Mwasambiranji? ndipuso chakuti Kuweriyamu (H) vilongo fundu zikulu za mu sambiru lo. Asani mwamaliza kusambira sambiru lelosi, mulembengi deti lo mwamaliziya. Pachigaŵa chakuti Vo Mungachita (I) musaniyengepu vakuti yimwi muchiti. Pakamutu kakuti Fufuzani (J) musaniyengepu mabuku pamwenga mavidiyo nganyaki ngakuti muwonere.
Mo mungasaniriya mavesi mu Bayibolu
Po talemba mavesi, tayamba dankha zina la buku (A), mbwenu chaputala (B), ndipu tamaliya vesi pamwenga mavesi (C). Mwakuyeruzgiyapu, po talemba kuti Yohane 17:3 ting’anamuwa kuti buku la Yohane, chaputala 17, vesi 3.
Mungayanja Kuŵerenga so Nkhani Izi
MAFUMBU NGO ŴANTHU AFUMBA KAŴIKAŴI
Kumbi Sambiru la Bayibolu lo Akaboni aku Yehova Achitiska Ntchinthu Wuli?
Kuziya mu pulogilamu yawezi ya kusambira Bayibolu ndi Akaboni aku Yehova, mungagwiriskiya ntchitu Bayibolu lelosi. Mungadaniyaku banja linu losi pamwenga mabwezi nginu pa sambiru.
