Mbomukonzya kujana mpindu muziiyo zyamu Bbaibbele eezyi
Amwiiye amwiiyi: Amulombe ciiyo ca Bbaibbele kuli yooyo wakamupa broshuwa eeyi naa kubelesya webbusaiti yesu jw.org.
CIBEELA CAKUSAANGUNA
Amubale muncali umwi aumwi, kubikkilizya amibuzyo yamabala mapati-pati (A) alimwi amagwalo (B) aakankaizya twaambo tupati-pati. Amubone kuti magwalo amwi alembedwe kuti “amubale.”
CIBEELA CABILI
Majwi aantalisyo (C) mucibeela cakuti Amwiiye Zinji apandulula twaambo tutiibandikwe. Tutwe twamakani (D) tutondezya twaambo tupati-pati. Amubale magwalo, amwiingule mibuzyo alimwi akweebelela mavidiyo (E).
Amulange-lange zifwanikiso amajwi aapandulula zifwanikiso (F), alimwi akubona mbomukonzya kupa bwiinguzi mucibeela cakuti Bamwi Baamba Kuti (G).
CIBEELA CAMAMANINO
Cibeela cakuti Mubufwaafwi alimwi acakuti Ncinzi Ncomwaiya (H) nzezyamamanino muciiyo. Amulembe deeti camana ciiyo. Mucibeela cakuti Mbaakani (I) mupedwe cakucita kutegwa muzumanane kwiiya naa kubelesya nzyomwaiya. Mucibeela cakuti Amuzyibe Zinji (J) kuli zimbi nzyomukonzya kubala naa kweebelela.
Mbomukonzya kujana tupango twamu Bbaibbele
Magwalo alitondezyedwe kweelana abbuku lyamu Bbaibbele (A), caandaano (B), alimwi a kapango naa tupango (C). Mucikozyanyo, Johane 17:3 yaamba bbuku lya Johane, caandaano 17, kapango 3.
Andiza Inga Mwaakkomanina Ayaaya
MIBUZYO IIVWULA KUBUZYIGWA
Ino Ndwiiyo Nzi Lwamu Bbaibbele Ndobapa Bakamboni ba Jehova?
Mulakonzya kubelesya Bbaibbele lili lyoonse nomwiiya mupulogilamu iitabbadelelwi ya Bakamboni ba Jehova. Amwaanguluke kutamba bamukwasyi wanu boonse naa balongwe.
