Omulingo Baibuli Esobora Kweyongera Kukugasira
Soma n’omwegesa: Saba omuntu ayakuhaire burocuwa enu akwegese baibuli, rundi saba kwegesebwa Baibuli nokozese omukura gwaitu, jw.org/ttj.
EKICWEKA KY’OKUBANZA
Soma buli kacweka otwaliremu n’ebikaguzo ebiri omu nyuguta ezikwasire (A) hamu n’ebyahandiikirwe (B) ebirukugumya ensonga enkuru. Wetegereze ngu ebyandiikirwe ebimu bihandikirweho “soma.”
EKICWEKA EKYA HAGATI
Ebigambo ebirukutandika (C) hansi y’ekicweka Yega Ebirukukiraho nibisoborra ensonga ezirabazibwaho. Emitwe emitaito (D) n’eyanjura ensonga enkuru. Soma ebyahandiikirwe, garukamu ebikaguzo, kandi orole vidiyo (E).
Wetegereze ebisisani hamu n’ebigambo ebirukubisoborra (F), kandi otekerezeeho omulingo osobora kugarukamu ebikaguzo ebiri omu kicweka Abantu Abamu Bagamba (G).
EKICWEKA EKY’OKUMALIRRA
Oyegere Ki? na Kweijukyamu (H) nibyo birukumalirra isomo. Handiika ebiro by’okwezi ebimumaliireho isomo. Ekicweka Lengaho kinu (I) kikuha ekintu eky’orakora kusobora kuteeka omu nkora oby’oyegere. Ekicweka Seruliiriza (J) kirumu ebintu ebindi eby’osobora kusoma rundi kurora.
Nk’oku osobora kuzoora ebyahandiikirwe omu Baibuli
Ebyahandiikirwe byolekwa kusigikirra ha kitabu kya Baibuli (A), esuura (B), hamu n’orukarra rundi enkarra (C). Ekyokurorraho, Yohana 17:3 nikimanyisa ekitabu kya Yohana, esuura 17, orukarra 3.
