Ha Geeshsha Maxaafaa timirttetun keehi goˈettanawu waatana danddayay?
Issi uri nena maaddanaadan oychcha: Geeshsha Maxaafaa xannaˈanawu koyikko, ha brooshuriyaa neeyyo immida ura oychcha, woy jw.org giyo nu websaytiyan deˈiya qitsiyaa kuntta.
KOYRO SHAAHUWAA
Borxxu giidi xaafettida oyshata (A) gujjada menttota ubbaanne waanna qofata qonccissiya xiqiseta (B) nabbaba. Amarida xiqiseti “nabbaba” woy “nabbabite” geetettidoogaa akeeka.
GIDDO SHAAHUWAA
Loytta Akeeka giyaagan deˈiya koyro qofay (C) kaallidi qonccissanabaa yootees. Sima huuphe yohoti (D) waanna qofata erissoosona. Xiqiseta nabbaba, oyshata zaara, qassi biidota (E) beˈa.
Misiletanne misiletu qonccissota (F) loytta akeeka, qassi Issi Issi Asay Giyoobawu (G) woyga zaaranaakko qoppa.
WURSSETTA SHAAHUWAA
Ay Akeekadii? qassi Zaaretuwaa (H) giyaageetun timirttee kuuyettees. Timirttiyaa wurssido gallassaa xaafa. Halchchanabaa (I) giyaagee ne oottanabaa yootees. Neeni gujjada nabbabanawu woy beˈanawu koyiyoobati Pilgga (J) giyaagan deˈoosona.
Xiqisiyaa waati koyana danddayiyoo?
Geeshsha Maxaafan deˈiya maxaafay (A), shemppoy (B), qassi paydoy woy paydoti (C) xiqisiyaa bessoosona. Leemisuwawu, Yohaannisa 17:3y Yohaannisa maxaafaa, shemppo 17, paydo 3 bessees.
Hageeta Beˈadii?
ASAY DAROTOO OYCHIYO OYSHATA
Yihoowa Markkati Geeshsha Maxaafaa Xannaˈissiyoy Ayba Ogiyaanee?
Yihoowa Markkati miishsha qanxxissennan xannaˈissiyo prograamiyan, Geeshsha Maxaafaa birshshettaa awugaakka goˈettana danddayaasa. Ne so asa ubbaynne ne laggetikka nenaara xannaˈanaadan shoobbana danddayaasa.
