Kotea te ʼu lelei ʼe ke maʼu ʼi te ʼu kapite ʼaeni?
Kole tokoni ki he tahi: Kole kia ia ʼae neʼe ina foaki atu te kaupepa ʼaeni ke kolua faipalalau ki te Tohi-Tapu peʼe ke fai hau kole ʼi tamatou tuʼasila jw.org.
FAʼAHI ʼULUAKI
Lau te ʼu palakalafe fuli, ʼo feia mo te ʼu fehuʼi ʼae ʼe tohi matolu (1) pea mo te ʼu vaega Tohi-Tapu (2) ʼae ʼe fakaha ai te ʼu manatu tafito. ʼE ke tokagaʼi ai anai ʼi ʼihi vaega ʼe tuʼu ai “lau.”
FAʼAHI LUA
ʼI lalo ifo ʼi te kupu tafito (3) Ta Fakaloloto ʼe fakamahino ai te ʼu aluʼaga ka vakaʼi. ʼE fakaha ʼi te ʼu kupu taki (4) te ʼu manatu tafito. Lau te ʼu vaega, mo tali ki te ʼu fehuʼi pea mo vakaʼi te ʼu ʼata viteo (5).
Vakaʼi te ʼu pāki mo te ʼu manatu ʼe tuʼu ai (6), pea ke fakakaukauʼi tau tali ki te meʼa ʼae ʼE Ui ʼe ʼIhi (7).
FAʼAHI TOLU
ʼE fakaʼosi te kapite ʼaki te Manatu Tafito mo Fehuʼi Fakamanatu (8). Tohi te ʼaho ʼae ʼe ʼosi ai te fai ʼo te kapite. ʼI Taku Fakatuʼutuʼu (9) ʼe ke maʼu ai he ʼu tokoni ke ke fai. ʼI Te Tahi ʼu Manatu (10) ʼe ke maʼu ai ʼihi manatu peʼe ʼata ke ke lau mo vakaʼi.
Te kumi ʼo te ʼu vaega Tohi-Tapu
ʼE maʼu ʼi te Tohi-Tapu te higoa ʼo te tohi (1), mo te kapite (2), pea mo te ʼu vaega (3). Ohage la, ko Soane 17:3 ʼe ui ko te tohi ʼo Soane, kapite 17, vaega 3.