E niha ãma ĩromnhorédzé ãhã ĩtsõrédzém na Bíblia na.
Romnhoré Jeová Watsuꞌuꞌwa tsiré: Waptẽrẽ Bíblia na romnhoré niꞌwai ma ãhã ĩtsõrédzé te te aima ĩtsõmri na hã, niwamhã waptẽrẽ wate site jw.org na.
ĨWAꞌÕNO ĨMORĨꞌRADA
Tsõré na romnhihötö mono, dadzadanharĩ norĩ ĩpréꞌa dzama (A). Tsõré na duré romnhihötö norĩ Bíblia ꞌre ĩtsihötödzé “tsõré na” ĩré na hã. Taha nhipai u, tsõré na romnhihötö norĩ ĩꞌrãdöꞌö pe hã Bíblia na (B), te te ãma ĩrowatsuꞌu na hã marĩ norĩ ĩpire hã.
ĨWAꞌÕTÕ WAꞌWA
Ĩwaꞌõno “Waihuꞌu duré” piꞌrebamhã ĩwaihuꞌudzé te tihöiba ãhã romnhoré na hã (C). Ĩwamridzé mono hã (D) te dza höiꞌré rowaihuꞌudzé hã. Tsõré na romnhihötö norĩ Bíblia na, tsadaꞌöbö dadzadanharĩ norĩ, duré ꞌmadöꞌö ĩropoto norĩ (E).
ꞌMadöꞌö wẽ na dapoto norĩ, duré ĩtsihötödzé dapoto piꞌrebamhã (F), duré rotsaꞌrata e niha te aré ĩnha ĩwaꞌõtõ na hã “Niꞌwam norĩ te nharĩ dzaꞌra ãne” (G).
ĨWAꞌÕTÕ ꞌRÃTSUDU
Romnhoré ꞌrãtsutu na hã te dza ĩtsã ĩwaꞌõtõ norĩ hã “Ĩwaihuꞌudzé hã” duré “Ãma aipoꞌre puꞌu” (H). Tsihötö bödö hã ĩꞌuprotsi na hã romnhoré hã. “Taha da atsiptete” ãma (I) te dza ĩtsã danhimiroti norĩ atsina uwaimrami da. “Tsô airĩtĩ duré” (J) piꞌrebamhã te dza ĩtsã rowatsuꞌu norĩ atsiwaprotsi waihuꞌu petse da.
E niha te dza ĩtsõpẽ romnhihötö norĩ hã Bíblia na.
Ĩmorĩꞌrada te dza ĩtsã ĩhöiwarobo nhitsi hã Bíblia ꞌre (A). Taha parimhã ĩtsihötö wawẽ (B), duré ĩtsihötö ꞌrare norĩ (C). Ãma ĩtsimiré, João 17:3 te watsuꞌu ĩhöiwarobo João na ĩtsitsi, ĩtsihötö wawẽ 17, ĩtsihötö ꞌrare 3.
