Ilawil bix jeʼel a xokik le folletoaʼ
Jeʼel a wáantaʼal a xok le folletoaʼ. Maʼ xaaneʼ jeʼel u yáantkech le máax tsʼáatech le folletoaʼ wa jeʼel u páajtal a kʼáatik ka tsʼaʼabaktech xook teʼ sitio jw.org.
YÁAX JAATS
Xok tuláakal le párrafoʼoboʼ. Ichil le xookoʼ yaan preguntaʼob tsʼaʼan u númeroiloʼob (A). Yaan tekstoʼob maas booxtak u letrailoʼob (B) utiaʼal u yeʼeskoʼob baʼax maas kʼaʼanaʼan u yojéeltaʼal. Yaan xan jujunpʼéel tekstoʼob ku yaʼalik ka xoʼokok.
KAʼA JAATS
Le yáax párrafo ku taasik le jaats «Utiaʼal a maas naʼatik» ku tsolik le baʼax kun ilbil teʼ jaatsaʼ (C). Le joʼol xook yaan u númeroiloʼoboʼ ku yeʼesik le baʼaloʼob maas kʼaʼanaʼantakoʼ (D). Xok le tekstoʼoboʼ, núuk le preguntaʼoboʼ yéetel chaʼant le videoʼoboʼ (E).
Chaʼant le dibujoʼoboʼ yéetel xok le baʼax ku tsoʼolol tu yoʼolaloʼoboʼ (F). Tsʼoʼoleʼ tukult bix jeʼel a núukik le pregunta ku taasik le jaats «Baʼax suuk u yaʼalaʼal» (G).
ÓOX JAATS
Cada xookeʼ ku tsʼoʼokol yéetel le jaats «Baʼax tsoʼoli» yéetel «Baʼax ta kanaj» (H). Tsʼíibt xan baʼax kʼiin ka ta tsʼoʼoksaj le xookoʼ. Le cuadro ku kʼaabaʼtik «Beet lelaʼ» ku yaʼalik baʼax jeʼel a beetkeʼ (I). Teʼ jaats «Kan u maasil» jeʼel u páajtal a wilik xookoʼob yéetel videoʼobiʼ (J).
Kan a kaxt u tekstoiloʼob le Bibliaoʼ
Utiaʼal a kaxtik le tekstoʼoboʼ táanileʼ kaxt u kʼaabaʼ le librooʼ (A), tsʼoʼoleʼ u capítuloil (B), kéen tsʼoʼokkeʼ u versículoil (C). Jeʼex Juan 17:3, u kʼáat u yaʼaleʼ «u libroil Juan, capítulo 17, versículo 3».
Maʼ xaaneʼ jeʼel u yutstal xan ta wicheʼ
KʼÁATCHIʼOB SUUK U BEETAʼAL
¿Bix u tsʼáaikoʼob xook u testigoʼob Jéeoba yéetel le Bibliaoʼ?
Le xook ku tsʼáaik u testigoʼob Jéeobaoʼ gratis, jeʼel u páajtal a usartik a Bibliaeʼ yéetel jeʼel u páajtal a invitartik wa máax utiaʼal u láakʼintikech teʼ xookoʼ.
