Indlela ongazuza ngayo ngokugcwele kulezi zifundo zeBhayibheli
Funda noFakazi KaJehova: Cela umuntu okunikeze le ncwajana ukuba afunde nawe iBhayibheli, noma ufake isicelo sesifundo seBhayibheli kuyiwebusayithi ethi jw.org/zu.
INGXENYE YOKUQALA
Funda isigaba ngasinye, kanye nemibuzo ebhalwe ngokugqamile (A) nemiBhalo (B) egcizelela amaphuzu abalulekile. Eminye imiBhalo ibhalwe ngokuqondile ukuthi kumelwe ifundwe.
INGXENYE EPHAKATHI NENDAWO
Umusho wokuqala (C) engxenyeni ethi Funda Okwengeziwe uchaza ukuthi yini ezofundwa. Izihlokwana (D) zethula amaphuzu abalulekile. Fundani imiBhalo, niphendule imibuzo nibuke namavidiyo (E).
Bukisisa izithombe namagama ahambisana nazo (F), bese uyacabanga ukuthi ungaphendula kanjani ingxenyeni ethi Abanye Abantu Bathi (G).
INGXENYE YOKUGCINA
Isifundo siphetha ngengxenye ethi Ukubuyekeza nethi Ufundeni? (H). Bhala usuku okuqedwe ngalo isifundo. Isihlokwana esithi Umgomo (I) sikunika ongakwenza ukuze uqhubeke ufunda noma usebenzisa okufundile. Esihlokwaneni esithi Hlola Okwengeziwe (J) kunezinto ezengeziwe ongazifunda noma uzibukele.
Indlela yokuthola amavesi eBhayibhelini
ImiBhalo iba nencwadi yeBhayibheli (A), isahluko (B), nevesi noma amavesi (C). Ngokwesibonelo, uJohane 17:3 ubhekisela encwadini kaJohane, isahluko 17, ivesi 3.
Okunye Ongase Ukuthande
IMIBUZO EVAME UKUBUZWA
Siyini Isifundo SeBhayibheli Esilungiselelwe OFakazi BakaJehova?
Kulolu hlelo lwamahhala olulungiselelwe oFakazi BakaJehova, ungasebenzisa noma yiliphi iBhayibheli. Ungesabi ukumema bonke abakini nabangani ukuze bakujoyine.
