Anɛ wa ma nyɛ ma ná bua jɔmi kɛ ya neneene lo?
Anɛ o ma ha heto ke . . .
ee lo?
dɛbi lo?
eko ɔ?
NƆ́ NƐ BAIBLO Ɔ DE
“Nihi nɛ peeɔ nɔ́ nɛ da a, zugba a maa pee a nɔ́ nɛ a maa hi nɔ daa.”—LA 37:29.
KƐ O MA NÁ NƆ́ NƐ BAIBLO Ɔ DE NƐ Ɔ HE SE HA KƐƐ?
O kɛ o weku li, kɛ o huɛmɛ ma ná tue mi jɔmi, nɛ nyɛ bua maa jɔ.—YEREMIA 29:11.
O bua maa jɔ, pi be kpiti ko kɛkɛ, se mohu kɛ maa ya neneene.—LA 22:26.
ANƐ WA MA NYƐ MA HE SIHI NƐ BAIBLO Ɔ WO Ɔ MAA YE LO?
Ee! Ke o suɔ nɛ o le nɔ́ he je ɔ, wa kpa mo pɛɛ nɛ o kase munyuyihi etɛ nɛ a ngɛ womiyo nɛ ɔ mi ɔ konɛ o ná nɔ mi mami ngɛ si womi nɛ ɔmɛ a mi. Munyuyi nɛ ɔmɛ ji:
Eko ɔ, O Bua Maa Jɔ Enɛ ɔ Hu He
SANEHI NƐ NIHI PƆƆ BIMI
Mɛni Blɔ Nya Yehowa Odasefohi To Nɛ́ Nihi Kɛ Kaseɔ Baiblo ɔ?
Yehowa Odasefohi kɛ nihi kaseɔ Baiblo ɔ nɛ a he we nɔ́ ko. Ke a kɛ mo ngɛ Baiblo ɔ kasee ɔ, o ma nyɛ maa ngɔ Baiblo sisi tsɔɔmi fɛɛ ko kɛ tsu ní. O ma nyɛ maa fɔ o weku ɔ, aloo o huɛmɛ nine nɛ a ba piɛɛ o he kɛ kase ní ɔ.
lffi
