Ðe wòanya wɔ be míakpɔ dzidzɔ le agbe me tegbeea?

ƑOE

Ðe nàɖo eŋu be . . .

ɛ̃a?
aoa?
yemenya oa?

NYA SI BIBLIA GBLƆ

“Ame dzɔdzɔewo anyi anyigba la dome, eye woanɔ edzi tegbee.”—PSALMO 37:29.

VI KAE ESIA AÐE NA WÒ?

Wò kple wò ƒomea kple xɔ̃wòwo mianɔ agbe le dzidzɔ kple ŋutifafa me le etsɔme.—YEREMIYA 29:11.

Àte ŋu akpɔ dzidzɔ le agbe me, menye na ɣeyiɣi kpui aɖe ko o, ke boŋ yi ɖe mavɔ me.—PSALMO 22:26.

ÐE MÍATE ŊU AKA ÐE NYA SI BIBLIA GBLƆ DZIA?

Ɛ̃! Ne èdi be yeakpɔ nu si tae la, míeɖe kuku, dzro nu siwo ɖo kpe esia dzi la me le agbalẽ gbadza sia ƒe nusɔsrɔ̃ etɔ̃awo me. Nusɔsrɔ̃awo ƒe tanyawoe nye:

Ɖewohĩ Esia Hã Adzɔ Dzi Na Wò

NYA SIWO AMEWO BIANA EDZIEDZI

Aleke Biblia Nusɔsrɔ̃ Si Yehowa Ðasefowo Wɔna Kple Amewo La Le?

Àte ŋu azã Biblia gɔmeɖeɖe ɖe sia ɖe ne èle nu srɔ̃m le Biblia nusɔsrɔ̃ ƒe ɖoɖo si Yehowa Ðasefowo wɔna kple amewo femaxee la me. Àte ŋu akpe wò ƒometɔwo kple xɔ̃wòwo be woawɔ ɖeka kpli wò faa.