ပအိၣ်မူဘၣ် မုာ်မုာ်ခုၣ်ခုၣ် လီၤထူလီၤယိာ် ကသ့ဧါ
နကတဲဒ်လဲၣ် . . .
ပအိၣ်မူဘၣ် မုာ်မုာ်ခုၣ်ခုၣ် လီၤထူလီၤယိာ်သ့.
ပအိၣ်မူဘၣ် မုာ်မုာ်ခုၣ်ခုၣ် လီၤထူလီၤယိာ် တသ့ဘၣ်.
ပအိၣ်မူဘၣ် မုာ်မုာ်ခုၣ်ခုၣ် လီၤထူလီၤယိာ် ကသ့ဧါသၢၤ.
လံာ်စီဆှံတဲဝဲဒ်လဲၣ်
“ပှၤတီပှၤလိၤန့ၢ်ဘၣ်သါထံဧိၤကီၢ်ဧိၤ, ဒီးအိၣ်ဝဲဆိးဝဲ လီၤစိၤလီၤထီလီၤ.”—စံးထီၣ်ပတြၢၤ ၃၇:၂၉.
တၢ်လၢလံာ်စီဆှံတဲဝဲန့ၣ် အဘျုးအိၣ်လၢ နဂီၢ်ဒ်လဲၣ်
ခါဆူညါန့ၣ် နကအိၣ်မူဘၣ် တၢ်အိၣ်မူလၢ အပှဲၤဒီးတၢ်သူၣ်ခုသးခု, တၢ်မုာ်တၢ်ခုၣ် ဃုာ်ဒီး နဟံၣ်ဖိဃီဖိ ဒီးနသကိးတဖၣ်.—၂ သ့းစၤလနံ ၂:၁၆.
နတအိၣ်မူဘၣ်ထဲ တစိၢ်ဖိဘၣ် ဒီးနကအိၣ်မူဘၣ် မုာ်မုာ်ခုၣ်ခုၣ် လီၤထူလီၤယိာ်.—စံးထီၣ်ပတြၢၤ ၂၂:၂၆.
တၢ်လၢလံာ်စီဆှံတဲဝဲန့ၣ် ပနာ်အီၤသ့ သပှၢ်တၢၢ်ဧါ
ပနာ်သ့သပှၢ်တၢၢ်. ဘၣ်မနုၤအဃိ ပနာ်အီၤသ့လဲၣ်န့ၣ် ဝံသးစူၤ မၤလိကွၢ် တၢ်မၤလိသၢခါ လၢအအိၣ်လၢ လံာ်အံၤအပူၤ. တၢ်မၤလိတဖၣ်အံၤ အခိၣ်တီမ့ၢ်ဝဲ–
တၢ်ဂ့ၤအဂၤလၢ နကဘၣ်သး
တၢ်သံကွၢ်လၢ ညီနုၢ်ပှၤသံကွၢ်တဖၣ်
ယဟိဝၤပှၤအုၣ်အသးတဖၣ် မၤလိလံာ်စီဆှံဒီးပှၤဂၤန့ၣ် မ့ၢ်မနုၤလဲၣ်
ယဟိဝၤပှၤအုၣ်အသးတဖၣ် ကွဲးမုာ်ပှၤဂၤလၢ ကမၤလိလံာ်စီဆှံ အတၢ်ရဲၣ်တၢ်ကျဲၤလၢ တလိၣ်ဟ့ၣ်အပှ့ၤဘၣ်န့ၣ် နသူ လံာ်စီဆှံလၢ နဘၣ်သးအီၤ တဘ့ၣ်ဘ့ၣ်သ့လီၤ. နကွဲမုာ် နဟံၣ်ဖိဃီဖိ ဒီးနတံၤသကိးတဖၣ်သ့လီၤ.
