WER 152
Kabedo me Pako Nyingi
(1 Luker 8:27; 1 Tekwaro 29:14)
1. Jehovah, in icweyo polo,
Ento in idit makato.
Kadi lobo pe kabedoni,
Ento cwiny ma meri tye kany.
Jo ducu ma gilubo cikki
Gin aye gideyo ot man.
Cwinywa yom me note i ticci;
Dyerewa aye yomcwinyi.
(LAKUB)
Pe tye gin mo keken
Ma pe oa ki boti.
Cingi aye miyo mic
Ma wamiyo boti.
(DWAN ALWAK)
Wapaki pi tic ma itimo;
Wawero me nyuto pwocwa.
Genwa dong ocobbe me nongo
Kabedo me pako nyingi.
2. Jehovah, igamo legawa
Pi ot man me pako nyingi,
Ma bicobo miti pa joni
Me pwonyo lokki me ada.
Dong wek ot ocob mitini.
Watye ki tic me atima
Dok wabimedde ki tiyo tic
Ma Wodi Yecu omiyo.
(LAKUB)
Dong wadyero cawa
Ki jamiwa mabeco,
Pien in aye ipore—
Lami mot mabeco.
(DWAN ALWAK)
Wapaki pi tic ma itimo;
Wawero me nyuto pwocwa.
Genwa dong ocobbe me nongo
Kabedo me pako nyingi.
