መዝሙር 152
ለስምህ ክብር የሚያመጣ ቤት
(1 ነገሥት 8:27፤ 1 ዜና መዋዕል 29:14)
1. ሰማይን የፈጠርክ ይሖዋ፣
ታላቅ አምላክ ነህ ገናና፤
እንኳን ይህ ቤት፣ እንኳን ይህ ሕንፃ፣
ሰማይ መች ይበቃህና።
እናመልክሃለን በዚህ ቤት፤
መንፈስህ ይደር፣ ይሙላበት።
ባምልኳችን ልብህ ይደሰት፤
ለቤትህ ጌጥ ይሁን ውበት።
(መሸጋገሪያ)
ያለን ነገር ሁሉ
ከ’ጅህ ነው የተገኘው፤
መልሰን የምንሰጥህ
ያንተው ስጦታ ነው።
(አዝማች)
አዎ፣ ይገባሃል ምስጋና፤
ምኞታችን ሰምሯልና።
ለስምህ ቤት ለመሥራት በቃን፤
እንዘምርልህ በደስታ።
2. አባት ሆይ፣ ላንተ ቤት ለመሥራት
ብዙ ስንመኝ ኖረናል፤
ቅኖች ስምህን እንዲጠሩ፣
እንዲያመልኩህ በዚህ ስፍራ።
ይህን ቤት ላንተ ሰጥተነዋል፤
ሁሌም ለፈቃድህ ይዋል፤
ድጋፍ ሆኖ ይኑር ለሥራህ፣
ልጅህ ለሰጠን ባደራ።
(መሸጋገሪያ)
አሁን የሰጠነው፣
ካለን ምርጣችንን ነው።
ምን ይሰሰታል ላንተ፣
ለጋሱ ይሖዋ!
(አዝማች)
አዎ፣ ይገባሃል ምስጋና፤
ምኞታችን ሰምሯልና።
ለስምህ ቤት ለመሥራት በቃን፤
እንዘምርልህ በደስታ።
