152 ÜLCANTUN
Tüfachi ruca eimi tami püramyengeal
(1 Reyes 8:27; 1 Crónicas 29:14)
1. Fütra huenu mu ta müleimi.
Yamfalngeimi, Chau Ngünechen,
fei ñom piuque mu llellipuiñ:
“Nagpe, Chau Dios, tami nehuen”.
Tüfachi Trahunhue Ruca mu
nehuen mu cüdauquefuiñ.
Com deumaqueiñ eimingealu,
fei fachantü eluhuaiñ.
2. Tachi ruca, Jehová,
deumangei tami duam mu.
Com pu che ñi adquiñ mu
“Dios ñi ruca” pingeai.
HUIÑO ÜLCANTUAL
Eimi mu puupe ti ülcantun.
Mañumniehuiyiñ, Chau Jehová.
Tachi hue Trahunhue Ruca mu
tami üi doi püramyengeai.
3. Duamfalngequefui quiñe ruca
eimi tami doi quimniengeal.
Fei tami ruca mu, Chau Jehová,
pu ñom piuquengelu acuai.
Mangelafiyiñ itrocom che:
“Cüpamün Dios ñi ruca mu”.
Fei amulele taiñ femquen,
doi pu che ta püramyeaimu.
4. Com tati püramyen
puupe tami mülen mu.
Com pu che huall mapu mu
Chau Jehová yamniepe.
HUIÑO ÜLCANTUAL
Eimi mu puupe ti ülcantun.
Mañumniehuiyiñ, Chau Jehová.
Tachi hue Trahunhue Ruca mu
tami üi doi püramyengeai.