HIÉMBI 152
Homa nu a ga ti we lipém
(1 Bikiñe 8:27; 1 Miñañ 29:14)
1. Nhek ngii yosôna le Yéhôva,
We nu ngii i nla bé kola
Ndina ini ndap hana isi,
Ndi mbuu woñ u nla yééne mu.
I bôt ba nkil mu mapubi moñ,
Masu map ma nlémés ndap yoñ.
Di yé maséé lôñni adna yés;
Inyule di gwé bisai gwoñ.
(NYAAÑGA)
Mam momasô di gwé,
Ntiik a Ta, ma nlôl weeni.
I woo woñ nyen di nyôñôl
I ni i di nti we.
(NDIIMBA)
Di ntôp inyu ti we mayéga;
Di mbédés makiñ ni maséé,
Inyu ini ndap u nkébél bés,
Homa a ga ti we lipém.
2. Yéhôva u bé yi le di ngwés
Homa a ga ti we lipém,
Homa ’nyu hôla bagwélél boñ;
Loñge ndap ’nyu ôt bôt u ngwés;
Soho neebe i homa nunu.
Le i tinde nson ni bisu;
Le nson di gwé u séla loñge,
Nson Man woñ Yésu a nti bés.
(NYAAÑGA)
Gwom gwés ni ngéda yés,
Di nti we ni ñem wonsô.
Wetama nyen u kôli—
Kôhna mam momasô.
(NDIIMBA)
Di ntôp inyu ti we mayéga;
Di mbédés makiñ ni maséé,
Inyu ini ndap u nkébél bés,
Homa a ga ti we lipém.
