AWIT 152
Usa ka Dapit nga Magdayeg Kanimo
(1 Hari 8:27; 1 Cronicas 29:14)
1. Jehova, among Maglalalang,
Balaan ka sa ngatanan.
Sa imong tumang kahalangdon,
Dili igo kalangitan.
Niining dapit sa pagsimba,
Kami nagakahiusa
Sa pagdayeg sa imong ngalan;
Kami imong kahimut-an.
(BRIDGE)
Kanimo naggikan
Tanan namong kabtangan.
Ang ikahatag namo
Gikan ra sab nimo.
(KORO)
Mapasalamaton mi nimo
Sa dapit nga tagana mo.
Ikaw pagaawitan namo
Alang sa kaday’ganan mo.
2. Nasayod ikaw, Oh Jehova,
Nga kini mismong dapita
Among igahalad kanimo
Alang sa imong pagsimba.
Unta daghan pa’ng matabangan,
Mosubay sa imong dalan.
Hinaot niining dapita,
Katuyoan mo silbihan.
(BRIDGE)
Ang atong panahon,
Mga katigayonan,
Ang tanan ihatag ta
Sa Diyos nga Jehova.
(KORO)
Mapasalamaton mi nimo
Sa dapit nga tagana mo.
Ikaw pagaawitan namo
Alang sa kaday’ganan mo.
