JIBO 152
Nyumba Enuttittimihani
(1 Amwene 8:27; 1 Mapadduwo 29:14)
1. Baba muttanddi wa dhotene,
Nyuwo munkala wirimu,
Masiki iyo s’ofwanyela
Nihumagelani nyumba.
Nona Baba wehu Yehova
Ninowuttittimihani
Sabwa ya onikamihedha
Opuliha mabasaya.
(OTTIYANA)
Nyuwo munivaha
Dhilobo dhinjidhene,
Nona kaninwodha
Wupitxelani elo.
(OGALAMUWA)
Munivaha yajedhelihu
Nyumba eji yokoddela.
Nona Baba Yehova iyo
Ninowutamalelani.
2. Baba Nimaga nyumba eji
Ennittabiha venjene,
Nyuwo kohinikamihedha
Iyo kanigawodhile,
Ninelege olabihedha
Wi munisunzihegemo.
Nihikana dhinji dhokosa
Ninugayelani nyuwo.
(OTTIYANA)
Dhapama dhetene
Ninvahiwa na nyuwo.
Nona ninuvahani—
Dhinivahilenyu.
(OGALAMUWA)
Munivaha yajedhelihu
Nyumba eji yokoddela.
Nona Baba Yehova iyo
Ninowutamalelani.
