HAN 152
Nɔtɛn e ná sɔ́ we su é ɖé
(1 Axɔ́sú lɛ́ 8:27; 1 Tan 29:14)
1. Mawu, hwi wɛ dá jǐnukúnsin,
Có é ka sixú hɛn we ǎ.
Tɛ́ ka sɔ́ lɛ́ nyí xɔ élɔ́ tɔn?
Ka ná gbigbɔ t’we mǐ, ní wá.
Mǐ nɔ gbɔn wěziza towe nu,
Dó ba acɔ́ nú xɔ élɔ́.
Mǐ zé mǐɖée jó nú we mlɛ́mlɛ́;
Nɔ j’awǎ dó sɛn we ɖó kpɔ́.
(ANǍ)
Akwɛ́ kpó d’avɔ kpó,
Kpatágan kpó siká kpó:
Hwi wɛ ná nǔ ’nɛ́ lɛ́ mǐ,
Có mǐ wá vɔ́ ná we.
(HANYÍYÍ)
Mǐ dó kú nú we nú nǔ lɛ́ bǐ;
Mǐ ɖo han ji dó kpa we wɛ.
A bló bɔ mǐ gbá xɔ élɔ́ fó,
É ná ɖo sísɔ́ we su wɛ.
2. Jexóva, a tuun ɖɔ mǐ jló ɖɔ
Xɔ ɔ ní nɔ kpa nyǐkɔ t’we,
Bo sú hudó mǐtɔn lɛ́ sín do,
Ní xlɛ́ gbɛli ɔ mɛ gěgé,
Ní nɔ gǔdo nú tuto t’we lɛ́.
Azɔ̌ kpo kpɔ́ bɔ mǐ ná wa;
Wɛnjíjlázɔ́ mǐtɔn myá nukún,
Bɔ mǐ jló ná ván kan bá wa.
(ANǍ)
Nǔɖókan mǐtɔn bǐ,
Hwenu, hlɔ̌nhlɔ́n mǐtɔn bǐ:
Mǐ ná yě we, a jɛxá;
Nǔníná t’we lɛ́ flá.
(HANYÍYÍ)
Mǐ dó kú nú we nú nǔ lɛ́ bǐ;
Mǐ ɖo han ji dó kpa we wɛ.
A bló bɔ mǐ gbá xɔ élɔ́ fó,
É ná ɖo sísɔ́ we su wɛ.
