KANSION 152
I Nepataddag nga Paddayawan
(1 Patul Ira 8:27; 1 Cronicas 29:14)
1. Jehova, Yama mi ta langi,
I Namaratu nikami.
Nepataddag nga paddayawan,
Kurang nga emmu paddianan.
Totolay ira nga maddayaw
Ay kuruga meddu nikaw.
Mattaradday kami masserbi,
Futum mapagayayya mi.
(BRIDGE)
Ta nikaw naggafu,
Ngamin nga pakkukua mi.
’Yawa mi i ngamin
Ta emmi nga passerbi.
(KORO)
Jehova, mabbalo ta ngamin;
Sikaw emmi nga kansionan.
Iddanama mi mas nassikan,
Gafu taw nga paddayawan.
2. I nededika nga balay mu,
Sikaw nakuan medayaw na.
Tape aripammu moffunan,
Dalammu edda tuttulan.
Lugar nga emmi paddayawan,
Urem nakuan metuppal na.
I nalawa mi nga annungan
Ay emmi ituppal, O Jah.
(BRIDGE)
Iyawa mi nikaw,
Kapianan nga makua mi.
Mepappangngo ka laman
Ta pangidayaw mi.
(KORO)
Jehova, mabbalo ta ngamin;
Sikaw emmi nga kansionan.
Iddanama mi mas nassikan,
Gafu taw nga paddayawan.
