SANG 152
Yu A-Go Get Nof Big Op Kaaz A Da Plies Ya
(1 Kingz 8:27; 1 Kranikl 29:14)
1. Jeuova, a yu mek di evn,
An yu, yes a yu, mek di ort.
Uu kyan put yu iina ous fi liv?
Bot yu spirit kyan de aal bout.
An so wi a beg fi yu spirit
Fi de pan di plies we wi mek,
We yu piipl kyan go big yu op,
An du tingz we yu kyan go bles.
(BRIJ)
Evriting we wi av
A yu siem wan did gi wi.
So du bles we wi ton roun
An tek gi bak tu yu.
(KUOROS)
Jeuova, tu ou wi fiil api,
Wi waahn sing da sang ya tu yu
Jos fi big yu op an tangk yu fi
Dis ya plies we wi mek fi yu.
2. A nof wok did du pan da plies ya.
Jeuova, wi wok an wi prie.
Nou da plies ya a-go elp wi fi
Du muo wok an big op yu niem.
Fram ya-so di waiz sorvant elp wi
Fi du wa Krais se wi fi du,
Laik fi lov an elp wi breda dem
An fi elp ada piipl tu.
(BRIJ)
Nou wi gi yu wi bes
Wi no gi yu di wat-lef.
Ja, yu gi an no tek bak.
Yu wan fi get wi priez.
(KUOROS)
Jeuova, tu ou wi fiil api,
Wi waahn sing da sang ya tu yu
Jos fi big yu op an tangk yu fi
Dis ya plies we wi mek fi yu.
