SIŊ 152
Wan Ples we Go Mek Wi Prez Yu
(1 Kiŋ 8:27; 1 Kronikul 29:14)
1. Jiova, yu de ɔp na ɛvin.
Yu tu gret fɔ de na dis ples,
Bikɔs ɛvin sɛf nɔ du fɔ yu.
Bɔt yu spirit go de wit wi.
Papa, na yu savant dɛn de ya,
Na wetin yu want wi de du.
Wi ɔl lɛk fɔ wɔship yu as wan;
Yu lɛk udat de wɔship yu.
(BRIJ)
Wi ɔl no se na yu
Gi wi ɔl wetin wi gɛt.
Papa, wi jɔs de gi yu
Ɔl wetin na yu yon.
(KORƆS)
Wi gladi fɔ ɔl wetin yu du;
Wi gladi fɔ siŋ prez to yu.
Yu dɔn rili mek wi gɛt op naw.
Na dis ples wi go prez yu nem.
2. Jiova, yu no wetin wi nid.
Dis ples go briŋ prez to yu nem.
Dis go mek wi ɔl go wɔship yu
Ɛn ɛp ɔlman fɔ lan bɔt yu.
So naw lɛ dis ples bi yu yon os.
Bɔt stil plɛnti wok de fɔ du.
So lɛ wi nɔ stɔp ɛn nɔ taya
Fɔ de du Jizɔs Krays in wok.
(BRIJ)
Wi de gi yu wi bɛst,
Ɛn wi tɛm ɛn wi jɛntri.
Na yu wangren de gi wi
Ɔl wetin gud fɔ wi.
(KORƆS)
Wi gladi fɔ ɔl wetin yu du;
Wi gladi fɔ siŋ prez to yu.
Yu dɔn rili mek wi gɛt op naw.
Na dis ples wi go prez yu nem.
