တၢ်သးဝံၣ် ၁၅၂
တၢ်သူၣ်ထီၣ်လၢ ကကဲထီၣ်တၢ်စံးထီၣ်ပတြၢၤလၢနဂီၢ်
(၁ စီၤပၤ ၈:၂၇; ၁ ကွဲးနီၣ်တၢ် ၂၉:၁၄)
၁. ယဟိဝၤလၢတ့လီၤမူခိၣ်ဧၢ
မူခိၣ်တြီၢ်နၤတသ့ဘၣ်ဆၣ်
ပျဲလၢ နသးစီဆှံ အိၣ်ဖဲအံၤ
ပှၤလၢပိာ်တၢ်ကပီၤအခံ
အဝဲသ့ၣ်ဟဲမၤဃံမၤလၤထီၣ်
တၢ်ဘူၣ်ထီၣ်ဘါထီၣ်အလီၢ်အံၤ
လၢတၢ်ဃူတၢ်ဖိး ပမၤနတၢ်
မ့ၢ်တၢ်လၢအမၤသးခုနၤ
(ဆဲးသးဝံၣ်)
တၢ်လၢအအိၣ်ဒီးပှၤ
မ့ၢ်တၢ်လၢနဟ့ၣ်လီၤပှၤ
နဟ့ၣ်လီၤပှၤတၢ်အါမး
သးအိၣ်ဟ့ၣ်ဆၢက့ၤနၤ
(ခိရၢာ်)
ကယဲၢ်တၢ်လၢနမၤတ့ၢ်တဖၣ်
နမၤလၢပှဲၤပတၢ်မုၢ်လၢ်
ခီဖျိလၢတၢ်သူၣ်ထီၣ်အလီၢ်အံၤ
ကဲထီၣ်တၢ်စံးပတြၢၤနမံၤ
၂. လၢကသးဝံၣ် စံးထီၣ်ပတြၢၤနၤ
ပလိၣ်ဘၣ်တၢ်လီၢ်နသ့ၣ်ညါ
တၢ်သူၣ်ထီၣ်အံၤကမၤစၢၤပှၤဂၤ
လၢကအိၣ်မူဖဲဒၣ်နသး
ဒီးမၤလၢပှဲၤထီၣ်နတၢ်တိာ်ပာ်
တၢ်မၤအံၤတဝံၤဝဲဒံးဘၣ်
မူဒါလၢနဖိခွါဟ့ၣ်လီၤပှၤ
ကဂုာ်ကျဲးစၢး မၤအီၤသပှၢ်
(ဆဲးသးဝံၣ်)
ကမၤအဂ့ၤကတၢၢ်
ကယဲၢ်တၢ်လၢအိၣ်ဒီးပှၤ
ကဟ့ၣ်လီၤအးလီၤဆူနၤ
မ့ၢ်လၢနဆိၣ်ဂ့ၤပှၤ
(ခိရၢာ်)
ကယဲၢ်တၢ်လၢနမၤတ့ၢ်တဖၣ်
နမၤလၢပှဲၤပတၢ်မုၢ်လၢ်
ခီဖျိလၢတၢ်သူၣ်ထီၣ်အလီၢ်အံၤ
ကဲထီၣ်တၢ်စံးပတြၢၤနမံၤ
