152-ШО МУРО
Тек тиде пӧрт тыйым чапландара!
(1 Царей 8:27; 1 Летопись 29:14)
1. Иегова, чыла ыштенат тый,
Пылпомыш деч кӱшнӧ чапет.
Тый пӧртлаште от иле, Ачай,
Но тышан тыйын шӱлышет.
Ты пӧртым тӱжвал тӱсшӧ огыл,
Мотор калыкет сылнешта.
Икоян тылат служитлымым
Тый аклет, тидым палена.
ВОНЧЫШ
Чылажат тый дечет.
Мом пуэн кертына ме?
Тыйын кид гычын толшым
Ме пуэна тылат.
ПРИПЕВ
Шукташ кумылнам полшыметлан
Тылат тауштен мурена.
Тиде пӧрт лӱметым тек мокта,
Эрыкетым шукташ полша!
2. Мемнан кумылнам ужынат тый
Да кольыч кумал йодмынам —
Эрыкетым лач шуктен шогаш
Тиде пӧрт кӱлын мыланна.
Кушкеш тыйын калыкын чотшо,
Шарла тыланет кумалмаш.
Иисусын кӱштымӧ пашам
Тиде пӧрт тек полша шукташ.
ВОНЧЫШ
Жап ден вийым тылат
Куанен пуэна ме.
Лач тылат лийже, Юмо,
Чап да пагалымаш.
ПРИПЕВ
Шукташ кумылнам полшыметлан
Тылат тауштен мурена.
Тиде пӧрт лӱметым тек мокта,
Эрыкетым шукташ полша!
