YƖƖLL 152
Zĩig fo yʋʋrã waoogr yĩnga
(1 Rĩm-dãmbã 8:27; 1 Kibayã 29:14)
1. Zeova yaa fo meng n naan saasã,
la saasã pa tõe n deeg foo ye.
Fo pa tõe n zĩnd tẽngã zug me ye.
La fo vʋʋsem sõngã tõeeme.
Neb nins sẽn waooged foo kaanẽ wã
fãa kẽnda fo vẽen’mã pʋgẽ.
D sẽn tũud foo ne yam a ye wã,
nooma foo la nooma tõnd me.
(PÕ)
Bũmb nins fãa d sẽn tarã
yaa fo meng n kõ tõndo.
Bũmb nins tõnd sẽn kõt foomã
yita fo meng nengẽ.
(REESGO)
Tõnd sũyã nooma ne f sẽn maanã,
tɩ d naag taab n yɩɩnd n pẽgd foo.
Bala fo kõo tõnd d sẽn datã.
D paama zĩig n na n waoog foo.
2. Zeova fo ra miim tɩ tõnd data
zĩig n na n waooged foo beenẽ.
Zĩig takɩ sẽn na n sõng fo nebã,
la sõng neb a taab tɩ b tũ foo.
Bɩ zĩigã sõng tɩ f raabã pidsi.
Tʋʋm n ket tɩ d segd n tʋme.
Yaa tʋʋmd ning fo Biigã sẽn sɩngã,
la a yeel tõnd tɩ d kell n tʋmã.
(PÕ)
Tõnd kẽesa d sẽkã fãa
la d tarmã tʋʋmdã pʋgẽ.
Foo bal n tog ne pẽgre.
Bõn-sõma fãa kõata.
(REESGO)
Tõnd sũyã nooma ne f sẽn maanã,
tɩ d naag taab n yɩɩnd n pẽgd foo.
Bala fo kõo tõnd d sẽn datã.
D paama zĩig n na n waoog foo.
