NDUMBO 152
Ndau Inomureremeja
(1 Majimambo 8:27; 1 Kronike 29:14)
1. Jehovha Musiki wo denga,
Amutokwani kudenga.
Pasi pano amutokwani
Nyika yamakatosika.
Tinozomukujira muno.
Imwimwi motodakara
Ngo kubatana kwatinako
No kunamata imwimwi
(KUCINJA MAIMBIRE)
Zvatinazvo zvese,
Takazvipuwa ndimwi.
Ndimwi makazviita
Zvese tomupavo.
(MUPINGURA PAMWE)
Tabonga maningi Jehovha
Tiri kutomuimbira
Makwanirisa cido cedu
Co kuvaka nyumba iyi.
2. Jehovha munotozviziva
Kuti itusu taida
Ndau yo kumunamatira
Inotomureremeja
Tinomunamatira muno
Basa guru riciriyo
Ratakapuwa ngo mwanenyu
Rinodikana kuithwa
(KUCINJA MAIMBIRE)
Muri Mwari wedu.
Makatipa zvizinji.
Imwimwi mwega basi,
Muri Mwari wedu
(MUPINGURA PAMWE)
Tabonga maningi Jehovha
Tiri kutomuimbira
Makwanirisa cido cedu
Co kuvaka nyumba iyi.
