KANTIKA 152
Un Lugá pa Bo Gloria
(1 Reinan 8:27; 1 Krónikanan 29:14)
1. Yehova, ta ken por duna bo
un kas ku bo por biba⁀aden,
si ni shelu mes por kontené
tur bo gran mahestat den dje?
Bo pueblo uní ta pidi bo
pa nos por ser bendishoná;
p’e spiritu⁀i lus di bo, nos Dios,
riba⁀e kas akí sosegá.
(INTERLUDIO)
No tin nada di nos
ku bo no⁀a regalá nos.
Di bo man generoso
nos ke paga bo bèk.
(REFREIN)
Ku pechu yená ku⁀alegria,
nos ta bati man i⁀atmirá
e lugá ku nos ta dediká
na bo gloria i bo bèrdat.
2. Yehova, b’a wak nos deseo
di por ofresé bo⁀un lugá
p’e trabou di hiba salbashon
te n’e pueblo mas alehá.
Lag’é sirbi bon den e obra
ku Kristu, bo Yu, a⁀inisiá.
Laga nos us’é, sirbiendo bo
pa bo tou krese mas i mas.
(INTERLUDIO)
Lo mihó ku nos tin
semper nos ke duna bo.
Mare nos por tin asta mas
pa nos ofresé!
(REFREIN)
Ku pechu yená ku⁀alegria,
nos ta bati man i⁀atmirá
e lugá ku nos ta dediká
na bo gloria i bo bèrdat.
