GIĽI 152
Kher, savo tut ašarela
(1 Kráľov 8:27; 1 Kroník 29:14)
1) Tu, Jehova Nekbareder sal,
o ňebos tuke tronos hin.
„Savo kher tuke šaj budinas?“
Tiro duchos amenca hin.
O kher, kaj pes zdžas šukaľaras,
te pal tiro švetlos phiras.
Tuke radišagos šaj keras,
te šunas tut the tire Čhas.
(SPOJKA)
Savoro hin tutar.
So tuke šaj diňamas?
Jilestar tuke das, so
amen tutar chudňam.
(REFREN)
Vaš savoro ča paľikeras.
Andre tiro kher giľavas.
Tiro lačhipen šaj furt dikhas.
Jilestar ča tut ašaras.
2) Tu, Jehova džanľal, hoj kamas
kher, savo tut ašarela.
Kade pes pal tu vakerela,
savo sal ade dikhena.
Mi kerel pes sa, so tu kames.
Hin but buťi, so šaj keras.
Savorenge te pomožinas,
mi džanen tut the tire Čhas.
(SPOJKA)
Das oda nekfeder.
Savoro, so amen hin.
Jilo, zor, časos, love,
presikavas paťiv.
(REFREN)
Vaš savoro ča paľikeras.
Andre tiro kher giľavas.
Tiro lačhipen šaj furt dikhas.
Jilestar ča tut ašaras.
