መዝሙር 152
የሆዋ ዚውደሰላ ቤት
(1 ነገስት 8:27፣ 1 ዜና መዋእል 29:14)
1. የሆዋ፡ ዓብዪ ዝግብርኻ፡
ንሰማያት ዝዘርጋሕካ፡
’ዛ ዝሃነጽናልካ ቤት ግዳ፡
ክንደይ’ኳ ዘይትንእሰካ።
ሓቢርና ኸነገልግለካ፡
ክንውድሶ ’ውን ንስምካ፡
እንሆ ብምሉእ ልብና፡
ክንውፍያ ተዳሊና።
(መሰጋገሪ)
ጕልበትና፡ ጥሪትና
ህያብ እዩ ካባኻ፣
’ቲ ዝሃብካና ኢና
መሊስና ሂብናካ።
(ኣዝማች)
ኦ የሆዋ፡ ነመስግነካ፡
ብመዝሙር ንውድሰካ።
ወቂቡ ቦታ ኣምልኾና፡
ተባሪኹ ’ቲ ጻዕርና።
2. የሆዋ፡ ርኢኻ ’ንደልዮ፡
ባሪኽካዮ እቲ ዕዮ፡
እንሀት ኣብ ቅድሜኻ ’ዛ ቤት፡
ንስምካ ’ወ እተሃንጸት።
እታ መንፈስካ ዝዓሰላ፡
ህዝብኻ ዚሕደሱላ፡
ብርሃንካ ’ውን ዚዅልዓላ፡
ኣሰር የሱስ ’ንስዕበላ።
(መሰጋገሪ)
ግዜና ሰዊእና፡
ዓቕምና ’ወ ኽእለትና፣
ክንህበካ መሪጽና፡
ንዓኻ ብሉጽና።
(ኣዝማች)
ኦ የሆዋ፡ ነመስግነካ፡
ብመዝሙር ንውድሰካ።
ወቂቡ ቦታ ኣምልኾና፡
ተባሪኹ ’ቲ ጻዕርና።
